Yitukutwisha Kulond Piur pa Magazet

(Anch Kwikil mu Uruund, Sadilany Amboku Magazet ma Français)

Chinong cha Kalam Kasan 1

“Ov, utongin anch chiswapel chakin kamu kwijik chom chisotinay Nzamb? [Mulika akula.] Nikwet chitongijok kanang pa mulong winou.” Tang ni isambina yom yidia mwinshin mwa chipul cha 2 pa paj wa 16 ni chimwing cha ku mifund yijimbwilau. Pan Magazet, ni irijeka chakwel uchirik mulong wa kushinshikinany yom yidia mwinshin mwa chipul 3.

Réveillez-vous ! Kasan

“Mulong Bibil uding mudi buku mukuru, antu amwing alondining anch kiulondiningap nawamp milong ya siyans. Ov, ey utongin nchik pa mulong winou? [Mulika akula.] Antu avud ashimokining palondingau Bibil mwamu. [Tang Isay 40:22.] Mutu wa mulong usambishidina pa paj wa 22 wakwil ku chipul chinech: Ov, siyans ni Bibil yovijadining?”

Chinong cha Kalam Rish 1

“Ayijing Atuman a Yehova mulong wa mudimu wau wa kulejan. Ov, kandikal wiyipulap mulong wak asadining mudimu winou? [Mulika akula.] Tesh bil chitongijok chinech. [Tang Mateu 24:14.] Gazet winou wakwil ku yipul yiney: Ov, rusangu ruwamp chom ik? Ov, Want wa Nzamb chom ik? Ni disudiel diezina chom ik?”

Réveillez-vous ! Rish

“Antu avud arishin nich mayej, pakwez tukat kuyikasikesh nich verse winou. [Tang Isay 33:24.] Utongin nchik mutapu ukeza kwikal mwom ushalijadina pa chisu chikeza kuwanyin chom chinech? [Mulika akula.] Kukarumuk kwinoku kukezay Nzamb kulet, kukimbin muntu mwin mwawonsu wa mukach mwetu asal jinzau mulong wa mwom wetu. Gazet ou urumburil mulong winou.”