Yitukutwisha Kulond Piur pa Magazet

(Anch Kwikil mu Uruund, Sadilany Amboku Magazet ma Français)

Chinong cha Kalam Rish 1

“Kudi mazu mashalijadina malondiningau piur pa Yesu. Ov, ey umumening mudi mwan a Nzamb bil anch umumening mudi muntu muwamp?” Mulika akula. Kupwa tangany pamwing yom yidia mu kamushet kadia pa paj wa 16-17 ni mufund umwing wa ku mifund yijimbwilau. Mwinkisha magazet, ni tenchik chakwel uchirik mulong wa kushinshikin chakul cha chipul chikwau.

Réveillez-vous ! Rish

Anch wambambinany nend mwan nsand, mekesh mutu wa mulong usambishidina pa paj wa 26. Muleja kamutu ka mulong ka kusambish ni ipul anch: “Ov, ukutwish kulond anch mazu minam madi makin bil anch madi ma makasu? [Mulika akula. Kupwa tang 2 Korint 7:1.] Mutu wa mulong winou wisambidin chom uswiridina kwijik piur pa kuna ruwand, ni mutapu wa kumulik.”

Chinong cha Kalam Ndol 1

“Antu avud akwet yitiyij yivud kushalijan piur pa Yesu. Ov, ey utongin anch chidi cha usey kwijik uyakin piur pend? [Mulika akula. Kupwa, tang Yohan 17:3.] Gazet winou urumburil chilondinay Bibil piur pa Yesu​—Kwisu kwadiokalay, mashakamin mend, ni mulong wafilay.”

Réveillez-vous ! Ndol

“Ov, ufanyidin kwitiyij anch kushadish mukatish umwing ku rufu chidi chimwing cha ku yikokujol yipandakena chikutwishay muntu kurish nich? [Mulika akula.] Antu avud atanining chiyul chinech cha ukwash. [Tang Kuseng 55:22.] Gazet winou wisambidin mitapu yimwing ya ukwash tukutwisha kusadil mu chisu cha mar, ni mutapu tukutwisha kutek chisend chetu kudiay Nzamb.”