Ov, Ukutwishany Kutaninamu Yiyukish Piur pa Dichap Diswapela?

Dichap dia kwilej dia Chinong cha Kalam didiaku mu Inglish uswapela. Dichap dined adibudisha mulong wa (1) in kulejan alondininga Inglish akutwish kutaninamu yiyukish piur pa mazu maswapela, pamwing ap mulong wa kwilej kwau pakemp; (2) in kulejan akad kulondang Inglish mudi rudim rau ra kusambish; (3) ansand, kuwejinaku antu adia ku shikol wa kusambish ni ku shikol ya sekonder; ni (4) in kwilej Bibil asotina kutesh yom ya muspiritu mu rudim riswapela nakash.

Uvud wa maparagraf, wa yipul, ni wa mitu ya milong yambaten nich dichap dia chisu chawonsu. Yom yidiamu yidi ya chilik chimwing kamu, pakwez mazu madiamu maswapel. Ap anch mwin kutakel ni mwin kutang Chinong cha Kalam cha dilejan akez kusadin dichap dia chisu chawonsu anch in kutesh amwing asadidin dichap diswapela, in kutesh inay akez kuman maverse majimbwilau ni yipich yimwing ni akez kulondul nawamp win kamu kutang kwa maparagraf ni akwakul niyau.

Antu awonsu asotila kutaninamu akutwish kwit dichap dined kudi nkwash mwin kulam magazet.