Yakumenaku ya Sampul (Anch Kwikil mu Uruund, Sadilany Amboku Magazet ma Français)

Mutapu wa Kusambish Malejan ma Bibil pa Diampos dia Kusambish dia pa Ndol

“Dibatish chidi chisal chisadiningau mukach mwa in Kristu avud. Ov, ey utongin nchik pa mulong winou? Ov, dibatish chidi chom cha usey? [Mulika akula.] Mutu wa mulong winou ulejen manans mamwing masangareshina.” Mwinkisha ku chikas mwin chikumbu Chinong cha Kalam cha pa Ndol 1, ni shinshikinany pamwing yom yidia mu kamutu ka mulong ka kusambish kadia pa paj wa 16 ni mufund umwing wa ku mifund yijimbwilau. Mwinkisha magazet ni irijeka chakwel uchirik wisamba nend chipul chikwau.

Chinong cha Kalam Ndol 1

“Kudi yitongijok yivud piur pa Yesu. Antu amwing atongining anch wading Mesia washilaumu. Akwau alondining anch udi ching muntu muwamp. Akwau kand itiyijining anch ndiy kadingakwap. Ov, ey utongin nchik pa mulong winou? [Mulika akula.] Kwambatan nich Bibil, chidi cha usey kwijik uyakin piur pend. [Tang Yohan 17:3.] Gazet winou umekeshin yakul ya mu Bibil ku yipul yimwing piur pa Yesu.”

Réveillez-vous ! Ndol

“Atutazukining mudi in mudimu wa patok mu majuku. Ov, ukutwish kwitiy anch majuku marishining nich yikokujol yivud nlel unou? [Mulika akula.] Tal kwisu majuku mavud matanininga chiyul cha ukwash. [Tang Kuseng 119:105.] Gazet winou wisambidin mutapu majuku machirikina uruw mashika ku kupandakan yikokujol yau kusutil ku kulondul yany ya Bibil.”