“Mutapu wa Kupan Magazet . . .”

Tukweting chaku cha kukumangan ku Chikumangan cha Mudimu pa ngond ni ngond mulong wa kwij mutapu wa kupan magazet. Rutong ra chaku chinech ridingap ra kuchirikin yom yidia mu magazet. Pakwez chikumangan chinech chidingaku mulong wa kwisambin mitapu ya kupan magazet. Chawiy, kwambatan nich yany, mukadivar ukusala chikunku chinech ukutakel nich mazu ma mu wiswimp malejena mutapu wa kupan magazet nich chirungil. Kupwa, ukutambul pa chisu kanang yitongijok ya in kulejan piur pa gazet umwing (ap ma magazet mavud) chakwel antu awonsu atwisha kulondul ni kufund yitongijok yikutwishau kusadil. Pa ndond pa kuyit in kutesh chakwel apana uman wa kabuj, ndiy ukuyipul in kulejan isambina piur pa chipul chikulangwisha impu ni kupwa ukumwipul muntu kanang chakwel arumburila mufund umwing watangau. Ndiy ukupwish kusutil ku kusal yakumenaku yilejena mutapu wa kupan gazet ni gazet. Atukasikeshining kutang magazet kurutu kwa kuya ku chikumangan ni kwikal tayad chakwel tupana yitongijok yetu. Anch antu awonsu irijek nawamp, chikunku chinech chikez kutukwash tukasikesha muchim wa muntu ni mukwau.​—Jinsw. 27:17.