Kapend Ketu Kijikena ka Web​—Kadiaku Mulong wa Kutaninamu Kwetu ni Kwa Antu Akwau

Yesu watwinkisha chisend cha kulejan rusangu ruwamp ra Want mu “mangand mawonsu ni kwikal uman kudi antu a michid yawonsu.” (Mat. 24:14) Mulong wa kutukwash ‘kuwanyish nawamp mudimu wetu wa kulejan,’ tupend watchtower.org, jw-media.org, ni kapend ka jw.org atutekin twawonsu pamwing pa kapend ka Web ka jw.org.​—2 Tim. 4:5.

“Mangand Mawonsu”: Muntu umwing pa antu asatu adia mu mangand usadidin Internet. Chikadil kal musul wa kusambish wa jinsangu ja antu avud, pakampwil ja ansand. Kapend ketu kapanining yakul yakin ku yipul ya mu Bibil kudi in kusadil Internet. Kayilejining dirijek dia Yehova ni kayikwashining kwit dilejan dia Bibil dia ku chikumbu mu mutapu uswapela pakad kufut nfalang. Kakwashining kand chakwel rusangu ruwamp rushik kwindond yidia antu akweta yisu yikemp ya kutesh uruu wa Want.

“Kudi Antu a Michid Yawonsu”: Chakwel tupana uman kudi “antu a michid yawonsu”, tufanyidin kulejan uyakin wa Bibil mu jindim kushalijan. Antu akimbijodila pa kapend ka jw.org akutwish kutan jinsangu mu mutapu uswapela mu jindim 400, kusutamu tupend twa Web twin twawonsu.

Kasadilany Nawamp Kapend Kinak: Kapend kinak ka Web ka jw.org kakatenchikap kusu nich rutong ra kupan uman kudi antu akad kwitiyij. Pakwez kadiaku mulong wa kukasadil kand kudi Atuman a Yehova. Anch ukwet mutapu wa kusadil Internet, tukukasikeshin chakwel wijika nawamp kapend ka jw.org. Yitongijok yimwing yilondwilaku ey yilejen mutapu wa kukasadil.

[Chifwatul chidia pa paj wa 3]

(Chakwel kutan mazu mawonsu, tal mu mukand)

Pakish Kusal Mwamu

1 Ukutwish kufund adres ou wa www.jw.org pa navigater wa Internet pa ordinater wey.

2 Kimbijol pa kapend kusutil ku kudjat buton pa ndond yifundinau anch options menu, ni djat buton pa ndond yiusotina kukimb pa list wa mikand.

3 Pakish kusadil pa kapend ka jw.org nich telefon wey wa ku makas ukweta internet. Paj ukumekesh ekran mukemp, pakwez jinsangu jikwikal ja chilik chimwing ni ja pa ordinater.