Kapend Ketu Kijikena ka Web—Ukutwish Kukasadil mu Mudimu Wey wa Kulejan
Yikwasha Antu Asadila Kapend ka Web: Antu amwing idjidjekininga kwisamb netu ap itiyininga mikand yetu akutwish kwijikijan ni Atuman a Yehova kusutil ku kutal pa kapend ka jw.org ku yikumbu yau. Yileja antu akwau piur pa Kapend ka Web kadiaku chisu chin chawonsu.
Kwakul ku Yipul: Yisu yivud mwin chikumbu, muntu umekeshina musangar, ap muntu usangaredina uyakin ukez kwipul yipul piur pa Atuman a Yehova ap yitiyij yetu. Muleja yakul kapamp kamwing kusutil ku kusadil telefon wa ku makas ap ordinater. Yisu yivud chiwapining kutang kapamp kamwing maverse mu Bibil. Anch ukwetap mutapu wa kusadil Internet, lejan mutapu ukutwishay muntu kusadil kapend ka jw.org chakwel itanina amwinend yakul.—Yang pa ndond yifundinau anch “La bible et vous/Question Biblique” ap “Etu tudi Anany/Question Frequentes.”
Ukutum Mutu wa Mulong Umwing ap Mukand Kudi Muntu Kanang Wija: Send kopi wa PDF ap EPUB ni muteka pa adres e-mail wa muntu ukimbina kutumin. Ap kutek mukand wakwatau kal pa CD. Chisu ni chisu ukumwinkisha muntu kanang wakad kubabatishiu buku, broshir ap gazet wa kabuj kusutil ku internet, ukutwish kuchind uvud wa mikand yiwapana. Kangal kutum mikand yakad dijin dia muntu uyitumina ap kuwejinaku yom. Chifanyidina kuyitum pa tupend tukwau twa Web.—Yang pa ndond yifundinau anch “Mikand.”
Lejan Dernières Actualités Piur pa Atuman a Yehova: Chinech chikez kuyikwash in kwilej Bibil ni antu akwau ukata kwendil chakwel akudisha musangar wau piur pa mudimu wetu wa pa mangand mawonsu ni uumwing wetu wa Ukristu. (Kus. 133:1)—Yang pafundinau anch “Actualités.”
[Chifwatul chidia pa paj wa 5]
Pakish Kusal Mwamu
1 Djat buton pa ndond yifundinau anch “Mikand” chakwel utana mukand usotina kubudish, djat kand buton pa mutu wa mulong ap mukand wakwatau kal usotina.
2 Djat buton pa ndond yifundinau anch “MP3” chakwel utana list ukweta mitu ya milong. Djat kand pa mutu wa mulong usotina kukwat ap ▸ uteshina pa kapend.
3 Tond rudim rikwau ridia pa list winou anch usotin kukwat mikand mu rudim riner.