Mushiku Utubachikining Umwing ni Mukwau Kusal Yom Yiwamp

Hebereu 10:24 utukasikeshin anch: ‘tutalijanany muntu ni mukwau mulong wa kukwashijan [“kubachikijan”] kumekesh rukat ni kusal yisalijok yiwamp.’ Tukutwish kuyibachik akadivar netu kusutil ku chilakej chetu tuyitekidina ni ku ritiy retu ritumekeshina. Yileja in kulejan akwau adia mu chikumangen uman uwamp watana. El imena ayinau mutapu wovilinga musangar piumusadidinga Yehova. Pa chisu chinech kand, ipuk kwiyilikej nau mu mutapu uyimp ap ni antu akwau. (Gal. 6:4) Kimb mutapu wa kusadil usu wey mulong wa kuyikasikesh antu akwau chakwel “rukat ni yom yiwamp,” kangal ayimana mudi yom yiyimp pakwez yom yiwamp. (Tal buku École du ministère, p. 158, par. 4.) Anch twikasikesh mu rukat, kupwa midimu​—mudi kuyisadin antu akwau nawamp ap kuyilej rusangu ruwamp—​yikez kulondulaku.​—2 Kor. 1:24.