Tukudishishany Ukaliweny Wetu Mu Mudimu Wa Kulejan—Kuyifundish in Kwilej Etu Kurijek Dilejan

MULONG WAK CHIDI CHA USEY: Anch irijek, in kwilej a Bibil akutwish kutesh ni kuvurik nawamp yom tuyifundishina. Anch adandamen kutesh ni kuvurik yom tuyifundishina, akutwish kuya kurutu. Ap kupwa kwa dibatish, akwikal ni kuswir kwa kurijek yikumangan ni mudimu wa kulejan mulong wa ‘kudandamen kucha ku mes.’ (Mt 25:13) Pakwez, kwijik mutapu wa kwilej ni kwikal ni program muwamp wa kwilej kukuyikwash nakash mu mwom wau. Pitukusambisha kwilej nau, tufanyidin kuyikwash in kwilej etu kukudish chaku cha kurijek dilejan diau dia Bibil.

MUTAPU WA KUSADIN:

• 

  Ikala chilakej chiwamp. (Ro 2:21) Piurijekina dilejan diawonsu, tongin maswir ma mwin kwilej wey. (km 11/15 3) Muleja buku wey warijekang kal nawamp

• 

  Mukasikesha ni ndiy kwirijek. Anch dilejan diawap, mukwasha ikal ni kashinsh anch kwirijek udi mutapu wa kwilej Bibil, ni murumburila uwamp wa kusal mwamu. Muleja yom ya kusal yikutwishay kusadin mulong wa kwitekin chisu cha program wa kwirijek. Alej amwing akat kumulej mwin kwilej kusadin buku wa mulej warijekangau kal nawamp chisu chilejinau mulong wa kumukwash kwijik usey wa kwirijek. Mujikitisha anch wirijek

• Muleja mutapu wa kurijek. Kwinsambishin, alej amwing akat kusadin chisu cha kwilej mulong wa kumulej mwin kwilej mutapu wa kurijek dilejan