MWBR18.05 Mareference mulong wa Mudimu ni Mashakamin ma in Kristu Mukand wa Chikumangan
NGOND WA 5 RUBING RA 7-13
YOM YA USEY YIDIA MU DIZU DIA NZAMB | MARKO 7-8
“Send Mutond Wey wa Mar ni Dandamen Kwinlondul”
nwtsty yom ya kwilej yidia mu Mar 8:34
chifanyidin ndiy kwitun amwinend: Ap “ilika bil amwinend.” Chinech chimekeshin anch muntu ukatin amwinend kulik kwisangaresh pakwez ukatin kwikal umusangareshina Nzamb. Dizu dia Grek dikutwish kurumburik anch muntu winou “kafanyidinap kwikat amwinend,” chinech chitin kand kwitun ku kushinshikin pa maswir mend, pa yitongijok ap pa yom yikatinay. (2 Ko 5:14, 15) Dizu dia Grek dined adisadina kand mu Marko chisu chisambidinau piur pa mutapu wamutunau Yesu kudi Pita.—Mar 14:30, 31, 72.
w92-F 1/8 paj 17 par. 14
Mutapu ik Ukata Kubambel mu Mwom?
14 Yesu Kristu wayileja in kwilejend pamwing ni antu akwau ading akumangen nend pamwing anch: “Muntu mwawonsu usotila kwibomb ni yamam, chifanyidin ndiy kwitun amwinend, asend mutond wend wa [mar], anlondul am.” (kukwatijan ni Bibil wa Français courant “kafanyidinap kwikat amwinend.”) (Mar. 8:34) Anch twitiy kutazuk kwinoku, tufanyidin kwirijek chakwel “tudandamena kusal mwamu” pakad kutongin anch akutwish kutufut chom kanang cha pakampwil mulong twitunin kal, pakwez twitiya pa chisu chiwanyidina ap twitiya mu mutapu uwamp mulong chisal chinech chikutwish pamwing ap kusal mudi tukimbin kuumbul chikumbu chatungau nawamp ap tukutwish kwitun kutambul yom ya usey. Chawiy, kuya kurutu kwa mu spiritu kusadikining pakemp pakemp, pakwez anch muntu kababelap ukutwish pakad kulab kuwa!
w08 15/10 paj 25-26 par. 3-4
Chom ik Chiukeza Kupan Chakwel Upanda?
3 Pa mulong mudi winou, Yesu wipula yipul ya usey yaad anch: ‘Muntu ukutanamu ik anch wisak ngand yakabuj, kupwa washadish mwom wend?’ ni, ‘Ing chom ik chikupanay muntu mulong wa kukol nich mwom wend?’ (Marko 8:36, 37) Chakul ku chipul cha kusambish chading chiyikasikedin antu. Kichidiap cha kutaninamu mulong wa muntu awina ngand ya kabuj anch washadish mwom wend. Kwikal nich yom kuding kwa usey anch muntu usangaredin mwom. Chipul cha kaad cha Yesu chadinga anch: “Ing chom ik chikupanay muntu kukol nich mwom wend?” yiney yayivurisha in kumutesh end mulong wa uyimp wasalay Satan mu machuku ma Yob: “Yom yawonsu yikwetay muntu ukuyipan mulong wa kuchidij mwom wend!” (Job 2:4) Kudi ay akad kumwifukwil Yehova, mazu ma Satan mading kamu makin. Avud akutwish kusal chom kanang, akutwish kujip mbil yimwing, mulong wa kushal mwom. Pakwez in Kristu, akat kuman yom mutapu ukwau.
4 Twij anch Yesu kezap pansh mulong wa kupan ukash wa mujimbu ap nfalang ni mwom ulemp mu mangand minam. Pakwez weza kutwazuril njil chakwel tutwisha kushakam chikupu mwi ngand yisu, ni kwikal nich ruchingej ra mwom wa chikupu yawiy yiney yikweta usey. (Yoh. 3:16) Mwin Kristu ufanyidin kov kurumburik kwa chipul cha kusambish cha Yesu chilondila anch, ‘Muntu ukutanaku ik anch wisak ngand yakabuj, kupwa washadish mwom wend?’ Kwakul kudi anch, kwikil kutaninamu. (1Yoh. 2:15-17) Chakwel kutukwash kwakul ku chipul cha kaad cha Yesu, tufanyidin kwiyipul ayinetu, ‘Kapamp kinch niswirikedina kusal mausu katat mulong wa kutek ruchingej ram ra mwom mwi ngand yisu?’ Yakul yetu ku chipul chinech, yikumeken mu mwom wetu utudia nich, yikumekesh kand anch tukwet ruchingej rikash mu michim yetu.—Isikesh ni Yohan 12:25.
Mwan A Muntu Udi Nany?
Chakin kamu mulong wa kwitapil dilau dia Yesu, in kumulondul Yesu afanyidin kwikal atakamena ni in kwipan ayinau. Yesu walonda anch: “Mwawonsu ukeza kangov am usany, ni mazu mam, mu dijiku ed dia kusotan ni dia yitil, ni yend Mwan a muntu ukez kamwov usany pakwezay mu uyaj wa Tatukwend ni angel atumbila.” (Marko 8:38, TMK.) Mwaning pakuchirikay Yesu, “ukez kumufut muntu ni muntu mudi mudia yisalijok yend.”—Mateu 16:27.
Kukimbijol Mapit ma mu Spiritu
w16.08 paj 32 par. 1-4
Yipul ya in Kutang
Mulong wak kowal ku makas wading mulong ujim kud akankuny a Yesu?
▪ Wawiy kwau wading mulong ujim pa milong yivud yamufishangau nich Yesu pamwing ni in kwilejend kud akankuny nend. Chijil cha Moses chalejana patok chom chikusala anch muntu ikal wijondila, chilakej mudi kupwek kwa mujimbu, musong wa kasu, kukwat mujimbu wa muntu ap wa nnam wafang kal. Chijil chinech chapana kand mbil piur pa mutapu wafanyinay muntu kusal chakwel ikala wishitwila. Muntu winou wafanyina kupan milambu, kowal mem ap kukus mash.—In Levi, shapitre 11-15; Kuchind Michid, shapitre 19.
Alej in Yuda ading ijau kand anch arabi awejinaku kand yijil yau ku yijil yiney. Buku umwing ulondina anch a rabi ateka yijil yipandikena ap mbil jikwau jela kumusal muntu ikal wijondila ni yikutwisha kuyisal antu akwau ikala niyawiy ijondila. Arabi ateka kand yijil yikwau yitadina pa yom ya kusadin mulong wa kwisuk nich mudi malong ni yom yikwau yikutwisha kwikal yijondila ni chaku kanang chafanyidinau antu kulondul chakwel ikala ishitwila.
Akankuny a Yesu amwipula anch: “Ov, mulong wak in kwilejey kalaminap yaku ya ashankur etu? Akat kudia nich makas makad kutokish mudi muchi- fanyidina?” (Marko 7:5) Afaris inay kalondap piur pa mulong utadina kwinang kwa mujimbu, pa mulong utadina kowal ku makas kurutu kwa kudia. Pakwez, Afaris ateka yijil yifanyidinay muntu kulondul kurutu adia, ading afanyidin kumuzizin mem ku makas mawonsu mudi chinshakur chifanyidinau kulondul. Buku twisambinang uwejidinaku kand anch arabi “at adikijana kand pa yom yimwing yafanyinau kusadin mulong wa kuziz nich mem ku makas ni mem ma mutapu ik mafanyidina kuzizil, nany ufanyina kuziz mem minam, ni makas minch mafanyidina kuzizil mem minam.”
Mutapu ik wakulay Yesu piur pa yijil yiney yipandikena yawejinaku kud antu? Wayileja antakel in Yuda anch: “Isay, muruu wa Nzamb, wabwaka nawamp mulong wenen, in rubabek. Ndiy wafunda anch: Antu inay akat kwinlimish nich mazu mamwamu, pakwez michim yau yidi kulemp ni yamam [Yehova]. Akat kwingifukwil kwau chamwamu, mulong awiy akat kulejan yijil yau antu, mudi yawiy yijil ya Nzamb En ukat kulikany yijil ya Nzamb, chad walamany yijil yau antu.”—Marko 7:6-8.
w00-F 15/2 paj 17-18 par. 9-11
Ov, Tukwet ‘Chitongijok Mudi cha Kristu’?
9 Muntu umwing wading kajikamatu ni chading chimukasikedin kamu kulond nawamp. Yesu wajingunina pamwing ap anch muntu winou wading wovil ushon ni wading unenganen. Yesu wasala chom chimwing chading chakadingay kusal mu chaku chend. Wamusenda muntu winou, waya nend kuns kwakad kwikal antu avud. Kupwa Yesu wasala yijingidij yimwing mulong wa kumwovikesh nich muntu winou yom yakimbay kusal. Yesu ‘wamwandjika miny mu matu, wachil mat ku miny, wakwat nich ku rudim.’ (Mar. 7:33) Kupwa, Yesu watala mes mwiur ni wishikija palembilay. Yom yiney yawiy yela kumukwash kajikamatu winou ijika anch ‘Yom yasalay Yesu wayisala nich usu wa Nzamb.’ Kupwa kand, Yesu wamwela anch: “Jikuk!” (Mar. 7:34) Pa chisu chinicha muntu winou wasambisha kutesh ni kulond nawamp.
10 Usey mudi ik wayikwatay nich Yesu antu akwau! Mulong witekang pa ndond ya antu akwau, chawiy chamubachika nich ranaken asala kukwatijan ni yovil ya antu akwau. Pitudia in Kristu, tufanyidin niyetu kukudish ni kumekesh chitongijok mudi chadingay nich Kristu. Bibil utulejin anch: “En awonsu ikalany ni muchim umwing, ongojijanany, katijanany mudi akadivar, ni michim ya riy [nich kwikepish].” (1 Pita 3:8, TMK) Chawiy komb, tufanyidin kusal usu wa kulond ni kusal yom yikutwisha kumekesh anch twitekin pa ndond ya antu akwau.
11 Mu chikumangen, tukutwish kumekesh anch twitekin pa ndond ya antu akwau kusutil kuyilimish ni kuyisadin mudi mutukatina anch niyetu atusadina mwamu. (Mateu 7:12) Chinech chitining nakash kushinshikin pa yom tukata kulond ni mutapu tulondining yom yiney. (Kolosay 4:6) Vurik anch ‘mazu makash madi mudi kutap kwa mpak ya musamun.’ (Jinswir 12:18) Chad chid nchik mu dijuku? Ikundj ni mband akatijadina chakin kamu akat kutongin pa yovil ya umwing ni mukwau. (Efes 5:33) Akat kwipuk kulond mazu makash, mazu mayimp, ap kulond maswimbu ma maasal—mazu mawonsu makutwisha kunenganeshan ap makasikena muntu kuvuramen. An niyawiy akweting yovil, chawiy anvaj a rukat afanyidin kushinshikin pa yovil ya anau. Anch kudi kuswir kwa kuyipup an, anvaj inay a rukat afanyidin kuyipup nich kalimish anau pakad kuyovish usany. (Kolosay 3:21) Anch twasal usu wa kwitek pa ndond ya antu akwau, chawiy chikumekesha anch tukwet chitongijok mudi cha Kristu.
NGOND WA 5 RUBING RA 14-20
YOM YA USEY YIDIA MU DIZU DIA NZAMB | MARKO 9-10
“Chishimushimu Chikasikeshina Ritiy”
w05-F 15/1 paj 12 par. 9-10
Uprofet Wawanyina Padi—Kristu
9 Kudiosh pamekeshinay anch udi Mesia pasut kal muvu umwing. Pasak wa muvu wa 32 C.C. wading wasutin kal. Antu avud ading amwitiyina kal Yesu, asambisha kulik kumulondul pamwing ap chading mulong wa mar, mulong wa kukat yom ya kumujimbu ap mulong wa minan ya mashakamin ma mwom. Antu akwau ajimana mulong Yesu kitiyap kwikal mwant chisu chamutondau. Pamulejau Yesu kudi antakel a chirelijon in Yuda chakwel asala yilay kanang mulong wa kwitumbish nich, Yesu walika. (Mateu 12:38, 39) Palikay Yesu kusal yilay yiney antu akwau kasangarap. Pakwez, Yesu wasambisha kuyilej in kwilejend yom yading yikasikena kudi awiy kuyitesh payilejay anch: “Chifanyidin am kuya ku Yerusalem. Kwinikwa amakurump, ni in kupesh ajim, ni alej a yijil akez kwinmesh mar nakash. Akez kwinjip.”—Mateu 16:21-23.
10 Mu angond chinan ap chidivu, chisu chikuwanyin “cha [Yesu] kudiokal mu mangand minam mulong wa kuchirik kudi Tatukwend.” (Yohan 13:1) Yesu wading unenganen nakash mulong wa in kwilejend, chawiy chayikanay amwing pakach pau yom yalikay kuyilej in Yuda akad ritiy—chijingidij cha mwiur. Yesu walonda anch: “Nakulejany chakin kamu, antu amwing adia pinap ay kakufap kal, ching kamu amuman Mwan a muntu ukat kwez mudi Mwant.” (Mateu 16:28) Pinap Yesu kalondinap anch in kwilejend amwing kakufap kushik ni patenchikau Want wa Mesia mu muvu wa 1914. Pakwez, wakimba kuyilej in kwilejend asatu akatinay nakash mutapu ukusadinay usu wend mu Want ukwikalaku kurutu oku. Chishimushimu chinech achitazukin anch kuswimp kwa chifu.
w05-F 15/1 paj 12 par. 11
Uprofet Wawanyina Padi—Kristu
11 Kupwa kwa machuku musamban, Yesu wamusenda Pita, Jakobu ni Yohan waya nau ku mukandu ulemp—pamwing ap ku Mukandu wa Hermon. Pashikau kwinikwa, Yesu “wamekana mutapu ukwau kudi awiy. Chifu chend [chazaza] mudi muten, ni maswin mend mazuta, matok too.” Muprofet Elija ni Moses amekana, asambisha kwambamb ni Yesu. Yom yiney yasadika pamwing ap uchuku, chawiy chakashimukau kamu nakash in kwilej inay asatu. Chawiy, Pita wamwela Yesu anch el nikutunginany minkand umwing weyey, umwing wa Moses ni umwing wa Elija. Padingay Pita ukat kulond, didj dizutila dieza diayibwik, chad dizu dia Nzamb diovakena mu didj dialond anch: “Winou udi Mwanam unikatila, nikat kusanger mwi ndiy, muteshany!”—Mateu 17:1-6.
nwtsty yom ya kwilej yidia mu Mar 9:7
dizu: Kinak kawiy kapamp ka kaad pa tupamp tusatu tudia mu ma Evanjil tumekeshina mutapu wabambaninay Yehova amwinend pamwing ni antu.—Tal yom ya kwilej yidia mu Mar 1:11; Yh 12: 28.
Kukimbijol Mapit ma mu Spiritu
w08 15/2 paj 30 par. 8
Manans Majim ma Buku wa Marko
10:6-9. Rutong ra Nzamb ridi anch ambay a uruw ashakama pamwing chikupu. Chawiy lel, pa ndond pa kukimb swa kulikijan, amakundj ni amband afanyidin kwikasikesh chakwel asadila yijidik ya Bibil yikuyikwasha kupandakan milong yikutwisha kulank mu uruw.—Mat. 19:4-6.
nwtsty yom ya kwilej yidia mu Mar 10:17, 18
Mulej Muwamp: Muntu winou wamutazuka Yesu anch: “Mulej Muwamp” chading mulong wa kumubabek ap kumutazuk nich chijiken cha makasu, mulong kutazuk kwa kalimish mudi kwinoku akukatang nakash kudi antakel a chirelijon. Yesu kamanap anch chading chiyimp kumutazuk anch “Mulej” ap “Nsalejetu” (Yh 13:13), pakwez, ndiy wapana katumb kawonsu kudi Tatukwend.
Kwikil muntu muwamp, ching kusu Nzamb amwinend: Pinap Yesu wij patok anch Yehova ndiy kwend kusu ukweta mbil ja yom yidia yiwamp, Yehova ndiy ukweta kand mbil ya kushinshikin yom yitentamina ni yakad kutentam. Padiau Adam ni Ev dibuj dia mutond wa ronganyin ra kuwamp ni kuyimp awiy ikwatina ayinau mupak wa kusal yom yitentamin. Chinyim ni yom yasalau Adam ni Ev, Yesu nich kwikepish walimisha mbil ja Tatukwend. Nzamb wamekesha patok yom yikatinay ni yikisiningay kusutil ku kufund Dizu diend.—Mar 10:19.
NGOND WA 5 RUBING RA 21-27
YOM YA USEY YIDIA MU DIZU DIA NZAMB | MARKO 11-12
“Walambula Jivud Kusutamu Akwau Awonsu”
nwtsty yom ya kwilej yidia mu Mar 12:41, 42
chipau: In kukimbijol akur a in Yuda alonda anch mishet yiney ya kulambwil ap ndond yalambwilangau antu milambu yading mudi mpuny ap mudi miseng ya nnam yading ni kadipan kakemp ku ris. Antu ezanga mulong wa kulambulamu milambu kushalijan . Dizu dia Grek disadidinau pinap adisadidin kal mu Yh 8:20, paditazukinau anch “mishet ya milambu.” Dizu dined dimekeshin pamwing ap Ndond yadinga mu tempel yau Amband. (Tal yom ya kwilej yidia mu Mt 27:6 ni mu chikunku cha 15 cha Ukwash wa Kwilej Nich Bibil.) Kukwatijan ni jinsangu jau arabi kwading yipau 13 ading ayitekin piswimp ni jimbumbu ja mu tempel. Chimeken pamwing ap kand anch mu tempel mwadinga kand chipau chikwau chijim chalaminangau nfalang jadioshangau mu tuyipau tukemp tukemp.
nfalang jaad: Kulond kwa patok, “lepta,” dizu dined dia Grek mu uvud alondining anch leptôn, dirumburikin karufalang kakemp nakash ka chikung. Leptôn kading karufalang kakemp nakash ka chikung ka 128 kakweta usey wa rufalang rumwing ritazukinau anch denier wa utad wa bronze jasadinau mu Isarel.—Tal Ukwash wa Kwilej Nich Bibil mu chikunku cha 18.
jikweta usey ukemp upandakena: Kulond kwa patok chirumburikin anch nfalang jatazukau anch “quadrans.” Dizu dia Grek kodrantês (mu Latin quadrans) dimekeshin karufalang kakemp ka utad wa bronze kasadinau kudi in Rom. Pakwez, 64 quadrans ukwet usey wisikena wa denier umwing. Pinap Marko usadidin nfalang ja in Rom mulong wa kumekesh usey wa karufalang kasadinau kudi in Yuda.—Tal Ukwash wa Kwilej Nich Bibil mu chikunku cha 18.
w97-F 15/10 paj 16-17 par. 16-17
Yehova Ukwatin Nich Usey Mudimu Usadina Nich Mupim Wey Wawonsu
16 Mu kwasuta machuku maad, pa dichuku dia 11 ngond wa Nisan, Yesu wasutisha chisu chilemp nakash mu tempel, mwinimwa amakurump a chirelijon ading akat kumwipul yipul piur pa usu wend, ni ukat kwakul kand kuyipul piur pa kulambul yitad, divumbuk ni piur pa milong yikwau kand. Wayifisha nich Afaris ni alej a yijil mulong wa yom mudi, “kubwitan yikumbu ya adia- afu.” (Marko 12:40,TMK.) Kupwa, Yesu washakama pamwing ap piswimp ni Ndond yadinga mu tempel yau Amband, kulondwish yishankur ya in Yuda, mwinimwa mwading ndond yatekangau yipau ya kulambwil 13. Washakama kachikunku, ni wasambisha kutal pakad kampuw antu ading alambwila. Ampich avud ezang kulambul milambu yau, akwau pamwing ap amekesha kwikal antu atentamina ku mes mulong ayimana. (Ilikej Mateu 6:2.) Yesu washinshikina pa mband umwing. Kwikil muntu mukwau wakimba kumuman mband winou ap kuman mulambu wend watekay mu chipau. Pakwez, mulong Yesu wading wij yom yidia mu muchim wa muntu, wijika anch mband winou wading “mwadiamufu umwing kazwendj.” Ni Yesu wijika kamu nawamp uvud wa nfalang japanay mband winou—“nfalang jaad ja utad usuz jikweta usey ukemp upandakena.”—Marko 12:41, 42.
17 Yesu wayitazuka in kwilejend mulond iteshinap ayinau yom yikulejanay. Yesu walonda anch mwadiamufu “winou walambul kal mu chipau chinech yom yivud kupandakanamu antu akwau awonsu.” Kulondwish ni Yesu, mwadiamufu winou wapana nfalang yivud nakash kusutamu nfalang japanau antu akwau. Wapana ‘yawonsu yadingay nich’—nfalang jin jawonsu jadingay nich. Pasalay mwamu, mband winou wateka ruchingej rend mu makas ma diking dia Yehova. Muntu usadidinay Yesu mu chilakej mulong wa kwisambin piur pa muchim wend wa kupan, udi muntu ukat wapana chipan chakad usey mu kuman kwa antu. Pakwez, ku mes ma Nzamb chipan chinech chading cha usey nakash!—Marko 12:43, 44; Jakobu 1:27.
w97-F 15/10 paj 17 par. 17
Yehova Ukwatin Nich Usey Mudimu Usadina Nich Mupim Wey Wawonsu
17 Yesu wayitazuka in kwilejend mulond iteshinap ayinau yom yikulejanay. Yesu walonda anch mwadiamufu “winou walambul kal mu chipau chinech yom yivud kupandakanamu antu akwau awonsu.” Kulondwish ni Yesu, mwadiamufu winou wapana nfalang yivud nakash kusutamu nfalang japanau antu akwau. Wapana ‘yawonsu yadingay nich’—nfalang jin jawonsu jadingay nich. Pasalay mwamu, mband winou wateka ruchingej rend mu makas ma diking dia Yehova. Muntu usadidinay Yesu mu chilakej mulong wa kwisambin piur pa muchim wend wa kupan, udi muntu ukat wapana chipan chakad usey mu kuman kwa antu. Pakwez, ku mes ma Nzamb chipan chinech chading cha usey nakash!—Marko 12:43, 44; Jakobu 1:27.
w87-F 1/12 paj 30 par. 1
Ov, Yipan Yey Yimekeshin Muchim Wey wa Kwipan?
Mu rusangu riner mudi malejan mavud nakash tukutwisha kwilejin. Dilejan dia usey nakash pamwing ap diawiy ed: Etu awonsu tukwet chisend cha kusadin yom yetu ya ku mujimbu mulong wa kukwash difukwil diakin; chawiy chom chidia cha usey nakash ku mes ma Nzamb chidiap kupan yom yetu tukweta pakwez kudi kupan yom yetu ya usey. Ov, tukat kupan yom yitukulika kwikal nich? Ov, kupan kwetu kumekeshin muchim wetu wa kwipan?
Manangu Madia mu “Dizu dia Nzamb”
15 Ov, chisangareshinap pa kwijik anch antu awonsu eza mu tempel pa dichuku din diang ching kusu mwadiamufu ndiy ujimbwilau mu Bibil? Kusutil ku chilakej chinech, Yehova utufundinshin mutapu udiay Nzamb ukata kusanger yom yitukata kusal. Ndiy usangaredining chisu tupanininga milambu yetu nich muchim umwing, ap anch amwing apanin yivud kutusutamu. Musangar mud ik wa kuman mulad utenchikinay Yehova chakwel atufundisha uyakin winou wongojina ku michim!
Kukimbijol Mapit ma mu Spiritu
nwtsty yom ya kwilej yidia mu Mar 11:17
chikumbu cha kulembil cha antu a michid yawonsu: Mu ma Evanjil mawonsu masatu majimbwila mazu madia mu Is 56:7, ching kwend Marko ndiy ujimbwila “antu a michid yawonsu.” (Mt 21:13; Lk 19:46) Tempel wadinga mu Yerusalem yading ndond yezangau in Isarel awonsu ni angendj mulong wa kumwifukwil ni kumulembil Yehova. (1 Ant 8:41-43) Yesu wayifisha kamu nich in Yuda asadina tempel winou kwikal ndond ya kwisakin ni ya mandam ma ambwitan. Yisal yau yayiziyishang antu a michid yawonsu akimbang kuya mulong wa kumulembil Yehova mu chikumbu chend ni yayikangeshang kand antu amwijika Yehova.
Usadidin Mutond wa Nfung Mulong Afundisha Dilejan Piur pa Ritiy
Kupwa, Yesu nau in kwilejend ashika ku Yerusalem. Mudi mwadinga chaku chend, Yesu waya mu tempel mulong wa kufundish. In kupesh ajim nau amakurump atakelang antu, pamwing ap ading kutong yom yayisalau in kuswimpish nfalang kudi Yesu, chawiy chamwipulau anch: “Ov, ulabu usadila nich yom yiney udiokil kwisu? Ov, nany ukwinkishina ulabu winou?”—Marko 11:28.
NGOND WA 5 RUBING RA 28–3 NGOND WA 6
YOM YA USEY YIDIA MU DIZU DIA NZAMB | MARKO 13-14
“Ipuk Kuwa mu Mupit wa Kumwov Muntu Wom”
ia-F paj 200 par. 14
Wileja Mutapu wa Kulikishin Kusutil Kudi Mwant Wend
14 Pita wamulondula Yesu kushik djat ni ku chis chijim chading ku Yerusalem. Chikumbu chinech chading cha Kaifas, mwin kupesh mujim wadinga mpich ni mwin usu nakash. Yikumbu ya mutapu mudi winou yading ni chipang chijim ni yading ni yis yijim nakash kurutu. Chawiy antu adinga ku chis chinicha kitiyap anch Pita andama. Pakwez, Yohan ading amwij nawamp kudi mwin kupesh ni wanding mukach mwa rupang chawiy chayay ku chis mulong wa kumwitin Pita chakwel andama kudiay kalam wa ku chis chijim. Chimeken patok anch Pita kadingap piswimp ni Yohan ap kandamap mukach mwa chikumbu chakwel ikala ushad wadingay Mwant wend. Pakwez, washala mu chipang ndond yadingau amwilomb ni atushalapol adinga ni kot kasu, uchiku winiwa kwading mashik nakash, atushalapol inay ading kuman mutapu atuman a makasu eza kumudimben Yesu padingau pamufishinau nich.—Mar. 14:54-57; Yoh. 18:15, 16, 18.
it-2-F paj 585 par. 3
Pita
Pita washikena kwandam mu chipang cha mwin kupesh mujim kusutil ku ukwash wa mwin kwilej mukwau wamutwala. (Yoh. 18:15, 16) Kayap kuns kwa amwinend ap kajingamap ndond yadinga mididim pakwez, waya ndond yadinga kasu chakwel niyend ota. Kusutil ku chitokish cha kasu antu akwau ading otina kasu amujingunina anch ndiy wading mwin kwilej wa Yesu ni kulond kwend kwadinga mudi mwin Galalia kwawiy kwasala kand anch amujingunina kamu patok. Pamufishau nich, Pita wamutuna Yesu tupamp tusatu anch kamwijap kwend ni washikena mu kulond anch yom yadingau yilondinau antu inay ndiy kayijap kwend. Chikalambol watenda mwi ndond yimwing ya mu musumb winou, chawiy Yesu “wakarumuka, wamutal Pita neeng.” Chad Pita wabudika, waya ni kushikok kudil. (Mat. 26:69-75; Mar. 14:66-72; Luka 22:54-62; Yoh. 18:17, 18; tal, CHANT DU COQ; SERMENT.) Pakwez, kulembil kwasambelay Yesu kulembil mulong wa Pita kwawanyin, mulong ritiy ra Pita raziyap kamu.—Luka 22:31, 32.
Kukimbijol Mapit ma mu Spiritu
w08 15/2 paj 30 par. 6
Manans Majim ma Buku wa Marko
14:51, 52—Nany wadinga Nsangarum “wachina mau kanzikis”? Ching Marko kusu amwinend ndiy wisambidina mulong winou, chawiy lel, chimeken patok anch ndiy wading wisambidin piur pend amwinend.
Yesu Amutwal Kal Kwa Anas Kupwa Amutwal Kal Kwa Kayifas
Kaifas wading wij nawamp anch in Yuda amukisining muntu mwawonsu walondang patok anch udi Mwan a Nzamb. Chisu Yesu chamutazukay Nzamb anch Tatukwam, in Yuda akimba kumujip mulong atonga anch Yesu “wiyilakeja nend Nzamb.” (Yohan 5:17, 18; 10:31-39) Padingay nich yitongijok yiney yiyimp, Kaifas wamwipula Yesu mulong wa kumwoz anch: “Nakuchipil kal mu dijin dia Nzamb mwom, tuleja anch yey Kristu Mwan a Nzamb!” (Mateu 26:63) Chakin kamu, Yesu ading amwij anch udi Mwan a Nzamb. (Yohan 3:18; 5:25; 11:4) Anch Yesu walika kwakul pa chisu chinicha, chafanyina kumekesh anch kadingap Kristu, Mwan a Nzamb. Chawiy Yesu wakula anch: “Mwawiy, yam kamu. En awonsu ukez kumumanany Mwan a muntu ushich ku chikas cha katatuku cha Nzamb Mwin Dikand. Ukez kumumanany ukat kwez mu madj!”—Marko 14:62.