“Dioshany Akish au Aeny”

Jakob wading wij anch Yehova witin kulamat kudi ndiy ni muchim wawonsu, ap anch wading kandikal aleta yijil piur pa kwifukwil akish. (Kub 20:3-5) Chawiy, kupwa kwa Yehova kumulej kuchirik ku Betel, Jakob wayileja antu adingay nend kudjibul atupwany awonsu adingau nich. Jakob wadjibula akish, pamwing ni tuziy twading tudjitau mudi usang. (Dis 35:1-4) Chakin kamu anch Yehova wasangera yom yasalay Jakob.

Nlel unou, mutapu ik tukutwisha kamu kulamat kudi Yehova nich muchim wawonsu? Tukat kusal cha kusambish mwamu mu kwipuk yom yawonsu yikwatijadina ni yom ya kwifukwil akish ap ya ayilembil. Chinech chitin kudjibul yom yawonsu ya ulaj ni kushinshikin nawamp mitapu yetu ya kwipuwangej. Chilakej, iyipula anch: ‘Ov, nikat kusanger mabuku ap mafilim malejena yom ya mayik yik, ya ayilembil ap ya ulaj? Ov, mu yom nikata kwipuwangej nich mudi yom ya maji, ya kupong ap ya kushingan ni akat kuyilejan anch yidiap kwau ya ubaj?’ Tufanyidin kushal kulemp nakash ni yom yawonsu yikisinay Yehova.—Kus 97:10.

TAL VIDEO ‘MUBWAMBWILANY DJABUL’ NI KUPWA AKUL KU YIPUL YILONDWILAKU EY:

• 

  Mulong ik wamushikena mwin kwilej wa Bibil utazukinau anch Palesa?

• 

  Mulong wak chidi cha manangu kukimb ukwash wa amakurump anch kudi mulong utadina yom ya ayilembil?

• 

  Antu akimbina kuyichidij kudi Yehova afanyidin kulikap kamu yom ik?

• Mupak ik ujim wakwatay Palesa?

• Chikalap nchik ndond tushicha, yibachikin ik yimwing ya ayilembil tufanyidina kwipuk?