YOM YA USEY YIDIA MU DIZU DIA NZAMB | IN LEVI 8-9

Uman Umekeshina Dilau dia Yehova

8:6-9, 12; 9:1-5, 23, 24

Yehova watuma kasu chakwel kosha yakupesh yakusambish yoshau chisu chamutekau Aron ni Anend mudi in kupesh. Chinech chamekesha anch Yehova wading uyitiyin in kupesh inay asu. Chawiy Yehova wayikasikesha in Isarel ading akumanganang kal pinipa chakwel ayiziyin in kupesh inay. Nlel, Yehova ukat kumusadin Yesu Kristu mudi Mwin Kupesh Mujim. (Heb 9:11, 12) Mu muvu wa 1919, Yesu watonda kachisak kakemp ka amakundj azizidilau many chakwel ikal ‘kashalapol ushinshamena ni kubabal.’ (Mt 24:45) Yom ik yimekeshina nlel anch Yehova umuyukishin kashalapol ushinshamena ni kubabal, umukwashin ni umwitiyijin?

Chikalap nchik rupompat rikash, kashalapol ushinshamena ukat kudandamen kutwinkish yakudia ya muspiritu
Mudi mwasambelay kulejan Bibil, rusangu ruwamp akat kurilejan pa “mangand mawonsu.”—Mt 24:14

Mutapu ik tukutwisha kumukwash kashalapol ushinshamena ni kubabal?

Yipich: 1. Yesu Kristu watumbishinau kal ukat kuyikel pa divu mudi mwant. 2. Akadivar asadina chisak cha kashalapol ushinshamena ni kubabal akumanganang kal pamwing mulong wa kupan yakudia ya mu spiritu. 3. Mukadivar ukat kumulej ikundj umwing rusangu ruwamp.