Pandish Uruw Wey

Yehova ukwatining nich usey nakash machip ma uruw. Ulondin anch angatan ni angachik afanyidin kulimish machip minam. (Mt 19:5, 6) Kud yilakej yiwamp ya uruw pakach pa atushalapol a Nzamb. Pakwez, kwikiling uruw udinga uwanyidina. Kukat kwikal milong. Tufanyidinap kulondul yitongijok ya antu avud piur pa kwaurik ap kujip uruw anch kwashiken mulong kanang mu uruw. Mutapu ik ukutwishau ambay a uruw in Kristu ­kupandish uruw wau?

El tushinshikinany yom yitan ya usey.

1. Lam muchim wey mu kulik kwizez ni antu akwau akad kwikal ambay ney a uruw ni ipuk kwipuwangej kwijondila mulong yom yiney yikutwish kuyipish uruw wey.—Mt 5:28; 2Pi 2:14.

2. Kasikesh urund wey wa piswimp ni Nzamb ni sal usu wa kupandakesh maswir ma kumusangaresh mu uruw wey.—Kus 97:10.

3. Dandamen kudjal wuntu usu ni sal tuyom tukemp tukemp tuwamp tukutwisha kumusangaresh mbay wey wa uruw.—Kol 3:8-10, 12-14.

4. Mulimisha mbay ney ni isambinany yom patok.—Kol 4:6.

5. Wanyish nich rukat maswir ma uruw ma mbay ney wa uruw.—1Ko 7:3, 4; 10:24.

Anch in Kristu alimish uruw, chimeken anch ­amulimishin Sakatang wa uruw, Yehova.

TAL VIDEO, TUFANYIDIN ’KUBAMBIL NICH KUJIJAMAN’—KULIMISH MBIL YA KUBAMBIL, NI KUPWA AKUL KU YIPUL YILONDWILAKU EY:

• Ap anch uruw ukutwish kusambish nawamp, milong ik yikutwisha kwikalaku?

• Mbil ja Bibil jikutwish kuyikwash mutapu ik antu iyovila anch ad mu uruw ­wakad musangar?

• Mbil ik jatekay Yehova mulong wa uruw?

• Yom ik yifanyidinau kusal ambay a uruw mulong wa kutwish uruw wau?