“Kangal Kwiyakamish”

Yehova wayikwasha atuzwendj mu Isarel wa pasak. Yisu mitapu yimwing yiyikwashiningay atuzwendj amwing pakach pa atushalapol end nlel?

• Ukat kutufundish kwikal ni chitongijok chisikena piur pa nfalang.​—Lk 12:15; 1Tm 6:6-8

• Ukat kutufundish kwilimish.​—Job 34:19

• Ukat kutufundish kusal mudimu nakash ni kwipuk yaku yiyimp.​—Jnsw 14:23; 20:1; 2 Ko 7:1

• Watutekin kal pakach pa akadivar netu in Kristu atukatina nakash.​—Yh 13:35; 1Yh 3:17, 18

• Ukat kutwinkish ruchingej.​—Kus 9:18; Is 65:21-23

Chikalap nchik mutapu udia mashakamin metu, tufanyidinap kwiyakamish. Yehova ukuwanyish maswir metu ma ku mujimbu anch twadandamen kutek Want wend pa ndond ya kusambish.​—Mt 6:31-33.

TAL VIDEO RUKAT RUSHICHING CHIKUPU CHIKALAP NCHIK . . . UZWENDJ ​—CONGO, NI KUPWA AKUL KU YIPUL EY:

• Mutapu ik ukatau akadivar adia piswimp ni kwi ndond kukata kusadikin chitentam cha rejon kuyaak nich rukat akadivar akwau ezining ku chitentam cha rejon?

• Video winou watufundish kal ik piur pa rukat ra Yehova mulong wa atuzwendj?

• Mutapu ik tukutwisha kumwimburij Yehova chikalap nchik yom tukweta ya ku mujimbu?