Mutapu wa Kusadin Yitongijok Mulong wa Mambamb

Akadivar akat kusal usu nakash mulong kurijek yitongijok mulong wa mambamb, ni in kulejan avud amen anch yitongijok yiney yikwet yibudikin yiwamp mu mudimu wa kulejan. Pakwez, mulong yom yishalijadin pa mangand, in kulejan akutwish kuswimp mutapu wa kusambish mambamb mu mudimu wa kulejan, ap kwisambin mutu wa mulong windj ukutwisha kuyisangaresh antu. Pakwez, anch tud pa chisu cha kampany wa pakampwil, etu awonsu tufanyidin kulondul umutakel ukutwinkishau. Chitongijok chetu chid cha kuwanyish chisend chatwinkishay Yesu cha kulejan rusangu ruwamp ra Want.—Mt 24:14.

Chisu chisadinau yikunku ya ansand a shikol, in kulejan afanyidin kwisambin mutu wa mulong udia mu yitongijok mulong wa mambamb udia mu Mudimu ni Mashakamin ma In Kristu Mukand wa Chikumangan (chilakej, mwi ngond wa 7 ni wa 8, mutu wa mulong ud rusot ra Nzamb mulong wa antu). Pakwez, anch kwikil umutakel kanang ulejenau, in kulejan akutwish kuswimp anch akatin chipul, mufund, chipul cha kwisambin kapamp kakwau, ap mutapu wa kusambish mambamb chakwel yikwatijan ni mashakamin ma mu teritwar wau. Umutakel winou waswimp kal umutakel walejanau mu mudimu ni mashakamin wa Ngond wa 6, 2020 paj wa 8.