Ikal Nich Kashinsh Anch Ukutwish Kujijamen Milong ya Kuburen Nfalang

Mwom mu machuku minam mansudiel ukwet yakamish nakash. Pasejina disudiel dia mangand minam, chakin kamu yakamish yikupandakan. Yisu yimwing tukutwish kuburen yom yimwing ya ku mujimbu. (Aba 3:16-18) Yom ik yikutukwasha kujijamen milong ya kuburen nfalang nich kashinsh? Tufanyidin kudandamen kumuchingejin Nzamb wetu Yehova. Wakana kuyibangin atushalapol end, ni ukutwish kutwinkish yom tuswirikedina mu yishiken yin yawonsu.​—Kus 37:18, 19; Heb 13:5, 6.

Yom ufanyidina kusal:

• Mwita Yehova chakwel akutakel, akwinkish manangu, ni akukwash.​—Kus 62:9

• Itiy kusal mudimu wawakadingap kal pamwing ap kusal.​—g-F 1/10 p. 8-9, mishet

• Lam yaku yey yiwamp ya mu spiritu, mud kutang Dizu dia Nzamb dichuku diawonsu, kukumangan ku yikumangan, ni kusal mudimu wa kulejan

TAL VIDEO TUNG CHIKUMBU CHIKUJIJAMANA​—MU ‘KUSANGER YOM UKWETA’ KUPWA AKUL KU YIPUL EY:

• Majuku mamwing marisha ni yikokujol ik?

• Chom ik chidia cha usey nakash mu mwom?

• Mutapu ik tukutwisha kuyikwash arishina ni milong ya kuburen nfalang?