Mareferans ma Mudimu ni Mashakamin ma Mukand wa Chikumangan
© 2024 Watch Tower Bible and Tract Society of Pennsylvania
RUBING RA 6-12 NGOND WA 1
YOM YA USEY YIDA MU DIZU DA NZAMB KUSENG 127-134
Anvaj—Dandamenany Kulam Nawamp Uswan wa Usey
Sanger Ndond Ukweta mu Dijuku dia Yehova
9 Yehova wayinkisha antu ukaliweny wa kuval an, ni chisend cha kuyifundish kumukat ndiy ni kumusadin. Anch ud nvaj, ov, ukat kusanger chipan chinech chiwamp? Ap anch Yehova wayinkisha angel ukaliweny uvud upandikena kuwap, pakwez kayinkishap dilau dia kuval an. Chawiy anch ud nvaj, jikitish nakash mulong wa chisend chey cha kulil an. Anvaj ayinkisha chisend cha usey nakash cha kuyilil anau kusutin “[kuyikand] ni kuyibabesh nich malejan ma win Kristu.” (Efes 6:4; Kuv. 6:5-7; Kus. 127:3) Mulong wa kuyikwash anvaj, dirijek dia Nzamb dikat kubudish yom yivud yimedina pa Bibil, mud mikand, mavideo, mizik, ni yom yikwau yidia pa kapend. Chakin kamu, Tatukwetu wa mwiur ni Mwanend ayikatin nakash an achidia akemp. (Luka 18:15-17) Yehova ukat kusangar anch anvaj amuchingejin ndiy ni asal usu wau wawonsu mulong wa kuyilam anau. Ni anvaj mud inay akat kuyikwash kand anau kwikal ni ruchingej ra kwikal chikupu mu dijuku dia Yehova!
w19.12 paj 27 par. 20 Anvaj—Yifumbany Anen Chakwel Amukat Yehova
20 Yijika aney nawamp. Kuseng 127 uyifanikeshin an ni jinseu. (Tang Kuseng 127:4.) Mudi mutapu ukutwishau kuchil jinseu kusutil yikung kushalijan, ni jikweta kujimb kushalijan, chilik chimwing, kwikiling an aad a mutapu umwing. Chawiy anvaj afanyidin kwijik mutapu wa kumufumb mwan ni mwan. Ambay a uruw amwing a mwi ngand ya Isarel wa katat atwishina kupamish anau aad mu uyakin, alejen yom yayikwasha anch: “Mwan ni mwan twilejang nend Bibil panrend.” Chakin kamu, ntakel mwawonsu wa dijuku ukukwat mupak anch kusadin mulad winou kudi kwa usey ni anch chitwishikin kusal mwamu.
Mapit ma mu Spiritu
Sanger Yom Utwishina Kusal mu Mudimu wa Yehova!
Kud dilejan dia usey nakash dikutwishau anvaj kutan mu Kuseng 131:1, 2. (Tang.) Mwant David walonda anch “kinikat kusotap kwam yom yijim yijim” ap kupakish kusal yom yimusutina usu. Kwikepish ni kwijik mimbu yend kwamuletina “musangar ni chisambu.” Yom ik yikutwishau anvaj kwilejin ku mazu minam ma David? Anvaj afanyidin kwikal ikepishina ni ija mimbu yau, kafanyidinap kuchingej kusal yom yiyisutina chipim, ap kuchingej anch anau asal mwamu. Anvaj akutwish kusal anch anau iyova nawamp kusutin kushinshikin mimbu yau payikwashinau kwitekin mipak yikutwishau kuwanyish. Nambaz Marina uvurikin anch: “Maku kandikal anfanikeshangap ni anamakwam ap ni an akwau. Wanfundisha anch muntu ni muntu ukwet ukaliweny ushalijadina ni wa mukwau ni etu awonsu tukwet usey ku mes ma Yehova. Mulong wa ukwash wend, chinkasikedining kwifanakesh ni antu akwau.”
RUBING RA 13-19 NGOND WA 1
YOM YA USEY YIDA MU DIZU DA NZAMB KUSENG 135-137
“Nsalejetu ud Mujim Nakash Kusutamu Anzamb Akwau Awonsu”
w15 1/6 paj 11 par. 15
Kristu Ukash wa Nzamb
Yehova ndiy wamwinka Kristu usu, chawiy lel tukwet kashinsh anch Nzamb wa Dikand Diawonsu ukwet usu nakash wa kuyikel usu wa chitangil. Tushinshikinany bil yilakej yimwing. Kurutu kwa Mabeb kusambish, Yehova walonda anch: mu “Machuku sambwad, am nikez kutum ruvul pansh, ukez kunak machuku makum manying ma muten ni makum manying ma uchuku.” (Dis. 7:4) Chilik chimwing, mu Kubudik 14:21, Bibil ulondin anch: “[Yehova] wamubachika rikind mukash wa kwingangel.” Chikwau kand tutangin mu Yona 1:4 anch: “[Yehova] watuma rinkind mukash pa Karung, chad waat wela kubarik mulong wa mambek masweja.” Chikasikeshin kwijik anch Yehova ukwet usu wa kuyikel piur pa usu wa chitangil. Chakin, machuku ma kurutu ma mangand madi mu makas mawamp.
Rukat Rishinshamena ra Yehova Rirumburikin ik Kud Ey?
16 Anch twamuman Yehova anch ud dipat dietu, tukwiyov anch tud mu diking. Pakwez yisu yimwing tukutwish kuziy ni kulik kumuman Yehova mud ud dipat dietu. Mu yisu mud yiney, yom ik yikusalay Yehova mulong wa kutukwash? (Tang Kuseng 136:23.) Ukutek makas mend kwinshin kwetu ni kutulangwish nich rukat, ni ukutukwash kupandakan yovil ya kuziy. (Kus. 28:9; 94:18) Mutapu ik tutanidinamu? Kwijik anch tufanyidin kuchingejin chisu chawonsu ukwash wa Nzamb kutukwashin mu mitapu yaad. Chakusambish, tukwet ndond ya diking ya kuchinin chikalap nchik ndond tudia. Cha kaad, Tatukwetu wa rukat udia mwiur utubangidin chikurikina.
Mapit ma mu Spiritu
it-2 paj 1175 par. 6-7
Yah
Dizu Yah adikwatikeshining yisu yivud ni yovil yikash ya kushiman ni miminy, malembil ni kwit, ni akat kuditan nakash mu mitu ya milong yimekeshina musangar kupwa kwa kuwin njit ni kukwolik, ap akat kudisadin kud antu amena chikas cha dikand cha Nzamb ni usu wend. Kud yilakej yivud ya mutapu winou wa pakampwil wa kusadin dizu dined. Mazu ‘Mushimanany Yah, en antu!’ (Halleluyah) mamekeshin muminy wa kumushiman nich Nzamb mada mu Kuseng, kapamp ka kusambish mad mu Kuseng 104:35. Mu maverse makwau ma Kuseng mad kwisambishin kwau (Kus 111, 112), tumatanin pachipatu mukash ni mukash mwa kuseng (135:3), yisu yimwing mad kwau ching kwinsuden (Kus 104, 105, 115-117), pakwez yisu yivud mad kand kwisambishin ni kwinsuden (Kus 106, 113, 135, 146-150). Mu buku wa Kujingunik, yitang ya mwiur yimushimen Yehova tupamp tuvud kusutin dizu dined.—Kuj 19:1-6.
Jindond jikwau musadidinau dizu “Yah” dimekeshin musangar mu miminy ni mu malembil ma kwit kud Yehova. Tukutwish kujimbul muminy wa dipandish wa Moses. (Kub 15:2) Mu miminy yafunday Isay, akasikeshidin kusutin kubombakesh majin maad ‘Yah Yehova.’ (Is 12:2; 26:4) Mu mazu mend ma musangar ma nkumbu malonday kupwa kwa kumwok mu chilay padingay piswimp ni kufa, Ezekias wamekesha yovil yend yikurikina kusutin kuchirokin dizu Yah. (Is 38:9, 11) Dimekeshin kand kushalijan pakach pa afu akad kutwish kumutumbish Yah, ni antu akwatina kal mupak wa kushakam mulong wa kumutumbish Ndiy. (Kus 115:17, 18; 118:17-19) Pakwez mu maverse makwau ma Kuseng, dizu dined dimekeshin malembil ma kujikitish kupwa kwa kukwolik, kupwa kwa kutambul diking ap dipup.—Kus 94:12; 118:5, 14.
RUBING RA 20-26 NGOND WA 1
YOM YA USEY YIDA MU DIZU DA NZAMB KUSENG 138-139
Kangal Walik Wom Ukukangesh Kwakul ku Yikumangan
Mushimana Yehova Mukach mwa Chikumangen
10 Ov, ukat kwov wom anch ukimbin kwilik muny mwiur mulong wa kwakul? Anch woviling wom, ijik anch udiap amwiney. Uyakin udi anch avud pakach petu oviling chisu chimwing wom wa kwakul. Kurutu kwa kukimb mutapu wa kupandakan wom winou, ufanyidin kwijik chakusambish kwisu kudiokilinga wom winou. Ov, woviling wom anch ukuvuramen kulond yom wading ukimbina kulond ap woviling wom anch ukutwish kupan chakul cha makasu? Ov, woviling wom anch yakul yey yikwikalap yiwamp mudi yikatau antu akwau kwakul? Chakin kamu, wom winou ukutwish kwikal chijingidij chiwamp. Wom winou umekeshin anch udi muntu wikepishina ni uyimen akwen mudi akupandakenamu. Yehova ukatining antu ikepishina. (Kus. 138:6; Fil. 2:3) Pakwez Yehova ukatining kand anch umushimana ni uyikasikesha akadivar nau anambaz ney ku yikumangan. (1 Tes. 5:11) Ukukatin ni ukukwinkish kutakaman uswirikedina.
Tukasikeshijanany Muntu ni Mukwau ku Yikumangan
7 Ukutwish kutaninamu nakash anch washinshikin yiyul yimwing yilejenau mu gazet Chinong cha Kalam. Chilakej, irijeka nawamp. (Jnsw. 21:5) Anch wijik nawamp yom ukwilejanya ku chikamangan, chikukuswapel nakash kwakul. Chikwau kand, panang yakul yiswimp. (Jnsw. 15:23; 17:27) Ukutwishap kwov wom wa kwakul anch wapan yakul yiswimp. Kulond yom yikemp kukutwish kuyikwash akadivar ni anambaz ney kutesh chakul chey kusutamu kulond yom yivud. Anch wakul mu wiswimp ni pakad kutang, ukumekesh anch wirijekang nawamp ni uteshin nawamp yom wilejinanya.
Mapit ma mu Spiritu
it-2 paj 490-491 par. 10
Dilikishin
Chikwau kand, win Kristu witin anch mwin Kristu ayilikishin akwau kurumbuk kwau chikalap nchik uvud ap tupamp. (Lk 17:3, 4; Ef 4:32; Kol 3:13) Nzamb kakuyilikishinangap antu alikina kuyilikishin antu akwau. (Mt 6:14, 15) Pakwez, ap anch muntu wasal chitil chijim chikutwisha kumushikij “muntu muyimp” kumwopat mu chikumangen cha win Kristu, muntu winou akutwish kumulikishin mu kusut kwa chisu anch wamekesh kamu anch wakarumukin chakin. Pa chisu chinicha, antu awonsu mu chikumangen akutwish kumumekeshin anch amukatin. (1Ko 5:13; 2Ko 2:6-11) Pakwez, kayitinap in Kristu kuyilikishin antu asadina kwau chitil kwa kwisotin, mulong wa muchim wau uyimp ni akad kukarumuk. Antu mud inay akat kwikal akankuny a Nzamb.—Heb 10:26-31; Kus 139:21, 22.
RUBING RA 27 NGOND WA 1–2 NGOND WA 2
YOM YA USEY YIDA MU DIZU DA NZAMB KUSENG 140-143
Sal Kukwatijan ni Malembil mey ma Kwit Ukwash
“Tang Matu ku Mazu ma in Manangu”
13 Chiyul chimekeshin rukat ra Nzamb. Yehova utusotidin yom yiwamp. (Jnsw. 4:20-22) Anch Yehova watuyul kusutin Dizu diend, mikand yimedina pa Bibil, ap kusutin mwin Kristu uswila, umekeshin anch utukatin. Hebereu 12:9, 10 ulondin anch: “Ukat kutukand mulong wa kutukwash.”
14 Shinshikin pa chiyul, kadiap pa mutapu uchipaninau. Yisu yimwing tukutwish kuman anch mutapu watwinkishangau chiyul wadiap uwamp. Chid chakin anch muntu upanina chiyul ufanyidin kusal usu wa kuchipan mu mutapu uwamp chakwel muntu achitiy swa. (Gal. 6:1) Pakwez anch yetwa kayudinau, chid cha usey kushinshikin pa uruu udia mu chiyul—ap anch tutongin anch ading afanyidin kuchipan mu mutapu uwamp. Tukutwish kwiyipul anch: ‘Ap anch nisangaredinap mutapu wanyulangau, ov, mwikilap uyakin ap ukemp wa chom kanang nikutwisha kwilejinamu? Ov, nikutwish kulik kushinshikin pa kurumbok kwa muntu wanyulang ni kusal usu wa kutaninamu mu chiyul chend?’ Chikwikal cha manangu ku mutambu wetu kukimb mutapu tukutwisha kutaninamu mu chiyul chin chawonsu chitwinkishinau.—Jnsw. 15:31.
w10 15/3 paj 32 par. 4
Tulamany “Muchim Wishitwila” mu Yirung Yiney Yikash
Atushalapol amwing a Nzamb arishin ni mar madokila ku rupompat, ku milong yikash ya nfalang ap mayej madandamedina. Yisu yimwing, milong yiney yikat kuyiziyish kamu nakash. Mwant David niyend wamana mar mud minam: “Chad nakatuk kal mwong, ni muchim wam wanpwidil kal mwinvumu.” (Kus. 143:4) Yom ik yamukwasha kujijamen mu yirung mud yiney? David wavurika mitapu yikatay Nzamb kusadin mulong wa kuyikwash antu end ni mutapu wamupandishau amwinend kud Nzamb. Watongijokina pa yom yasalay Yehova mulong wa dijin dend dijim pantaliken ni akankuny nend. David washinshikina kand pa midimu ya Nzamb. (Kus. 143:5) Chilik chimwing, anch twatongijokin piur pa Sakatang wetu ni yom yasalay ni yidandamedinay kusal mulong wa kutukwash, tukuziyap ap anch turishin ni yikokujol.
w15 1/3 paj 20 par. 2
Kwatijan “Ching mu Mwant”—Ov, Chitwishikin?
Chisu chinech ukutwish kutong mudi mwatongay David, palonday anch: “[Yehova, NWT], ngakula swa nashadishin kal ruchingej ram. Kangal wanjingam.” (Kus. 143:5-7, 10) Mu yisu yiney, mushila Tatukwey wa mwiur chisu chakwel akuleja yiufanyidina kusal. Ukutwish kusal mwamu pa kwitekin chisu cha kutang Dizu diend ni kutongijokin pa yom utangina. Mwamu ukwijik yikwitinay Yehova ni ukuman mutapu wayikwashay atushalapol end a pasak. Anch wamutesh, ukez kudandamen kumuchingejin ni ukwikal ni manangu ma kumuziyil ndiy.
Mapit ma mu Spiritu
Kwat Nich Usey Nakash Dilau dia Kulembil
2 Mwant David wakwata nich usey nakash dilau diend dia kulembil. Wamuwangina Yehova anch: “Tambul kulembil kwam mudi mulambu wa malash ma res ruwamp.” (Kus. 141:1, 2) Pa chirung cha David, malash matumbila masadinangau mu difukwil diakin kud in kupesh amarijekang mu mutapu uwamp nakash. (Kub. 30:34, 35) Chisu chajimbulay David malash, wamakesha anch wading ukatin kushinshikin nawamp pa yom yading yikimbinay kumulej Tatukwend wa mwiur. Niyetu mwawiy kamu tukatining kusal. Tukatin malembil metu mamusangaresh Yehova.
RUBING RA 3-9 NGOND WA 2
YOM YA USEY YIDA MU DIZU DA NZAMB KUSENG 144-146
“Ayuk Kwau Antu Amukweta [Yehova] Kwikal Nzamb wau!”
Yipul ya in Kutang
2. Mazu masadidinau mu dikarumun dachirikidinau makwatijadin ni maverse makwau ma kuseng. Dizu “chad” dida mu verse wa 12 dimekeshin anch yiyukish yilondwila mu verse wa 12 djat ku 14 yiyitadin in kutentam—antu itina chakwel ‘ayikamunin ni kuyipandish’ mu makas ma antu ayimp (verse wa 11). Kuswimp kwinoku akumekeshin kand mu verse wa 15, muda tupamp twaad dizu “ayuk kwau”, mazu minam makwet chitongijok chiwamp ni makwatijadin. Mud chibudikin, pa jindond jawonsu jaad pada mazu ayuk kwau, mayitadin antu awiy amwing—antu “amukweta [Yehova] kwikal Nzamb wau!” Vurik kand anch mu mifund ya kusambish ya Hebereu, kasadinangapamu yijingidij ya kutang nich, mud ankwat. Chawiy, in kukarumun afanyidin kujingunin chitongijok chakin cha mifund, mu kutek mu manang mutapu wa kufund mazu ma manang ni miminy mu dizu da Hebereu, yom yisambidinau ni maverse makwau ma Bibil misambidina yom yawiy yimwing.
3. Mazu masadidinau mu dikarumun dachirikidinau makwatijadin ni maverse makwau malejena anch Nzamb ukuyiyukish atushalapol end ashinshamena. Katat, kusutin mutapu usu wakarumwinau dizu azer, kuseng ulejen ruchingej radingay nich nfund a kuseng David, ruchingej rimedina pa kushilamu kwa Nzamb. Wading wij anch Nzamb washilamu kukwol muchid wa Isarel mu makas ma akankuny nau ni ukez kayiyukish kusutin kuyinkish chisambu ni mapit. (Lev. 26:9, 10; Kuv. 7:13; Kus. 128:1-6) Chilakej, Kuvurik Yijil 28:4 ulondin anch: “An a mu mavumu men akez kuyuk, ni mbut ya divu dien, ni an a angomb en, ni an a yivam yen, ni an a amikoku en.” Chawiy, mu winyikel wa Salomon, mwan a David, muchid wasangera chisambu chijim nakash ni mapit. Chikwau kand, winyikel wa Salomon wading umekeshin mu chilik kanang yiyukish yikuleta winyikel wa Mesiya.—1 Ant 4:20, 21; Kus. 72:1-20.
w22.10 paj 28 par. 16-17 Lam Ruchingej Rey ra Win Kristu Rikash
16 Ruchingej retu ra mwom wa chikupu chid chipan cha usey nakash chitwinkishinay Nzamb. Tuchingedin machuku ma kurutu mawamp nakash, ni tukutwish kwikal nich kashinsh anch makuwanyin. Ruchingej riner rikat kutukwash mud nkal, rikat kutukwash kujamish chakwel tutwish kujijamen yikokujol, kuzengol kukash, ni ap anch tukimbin kufa. Rid mud chiful chikata kuchidij manangu metu chakwel twipuk yom yiyimp ni tusala yom yiwamp. Ruchingej retu rimedina pa Bibil rikat kutusejish piswimp ni Nzamb ni kutukwash kuman mutapu utukatinay nakash. Tukat kutaninamu nakash anch twadandamen kulam ruchingej retu rikash.
17 “Paul wakasikeshana mu mukand wend wayifundinay in Rom anch “sangarany mulong wa ruchingej ren.” (Rom 12:12) Paul wafanyina kusangar mulong wading nich kashinsh anch ang washal ushinshamena, ukutambul mwom wa chikupu mwiur. Chawiy, niyetu tufanyidin kusanger mu ruchingej retu mulong tukwet kashinsh anch Yehova ukuwanyish kushilamu kwend kwawonsu. Mud kamu mwafunday nfund a kuseng anch “wayuk muntu . . . ukata kumuchingej [Yehova] Nzamb wend, . . . ndiy ukata kuwanyish kushilamu kwend kwawonsu.”—Kus. 146:5, 6.
Rukat ra Mutapu ik Rikata Kulet Musangar Wakin?
19 Mangand ma Satan madandamedin kuyimesh antu mar mu mivu 6 000 ni kusut. Katat, mu machuku manam ma nsudien ma ditenchik dined dia yom, mangand mizwil nau antu itongidina ayinau, akatina nfalang ni in kwisangaresh. Akat kutong piur pa yom yikutwishau kwikal nich ni akat kutek maswir mau ma kwisangaresh pa ndond ya kusambish mu mwom yau. Pakwez antu mudi inay kakwetingap kamu musangar! Pakwez, Bibil ulondin anch: “Wayuku muntu umukweta Nzamb wa Jakob kwikal mwin kumukwash wend, ukata kumuchingejin [Yehova] Nzamb wend.”—Kuseng 146:5.
20 Atushalapol a Yehova amukatining kamu nakash ni muvu ni muvu antu akwau avud akat kumwijik ni kumukat kand. Chinech chimekeshin anch Want wa Nzamb uyikedin, ni piswimp ap ukutuletin yiyukish yitwakad kutongin! Anch twasal yom yikatinay Yehova anch tusal, tukumusangaresh ni chikutuletin musangar wakin. Antu amukatina Yehova akwikal ni musangar chikupu! Mu mutu wa mulong ulondwilaku ou, tukushinshikin mikadil yimwing yiyimp yidiokila ku rukat ra kwitongin. Kupwa tukuman mutapu wakad kwovijan mikadil yiney ni mikadil yiwamp ya atushalapol a Yehova.
Mapit ma mu Spiritu
bh shap. 13 par. 9
Ikal Nich Chitongijok cha Nzamb Piur pa Mwom
Chidi mutapu ik pa mwom wa nnam? Niwawiy udi utumbila kud Sakatang. Nzamb upanin mbil ya kuyijip annam chakwel kuman yakudia ni maswin ap mulong wa kwichidij ku ubaj. (Disambishil 3:21; 9:3; Kubudik 21:28) Pakwez, kwikal nich chisum ku mutambu wa annam ap kuyijip mulong kusu wa masengan chiyipin ni kumekeshin kuburen kalimish kajim ka kutumb kwa mwom.—Jinswir 12:10.
RUBING RA 10-16 NGOND WA 2
YOM YA USEY YIDA MU DIZU DA NZAMB KUSENG 147-150
Tukwet Mayingishin Mavud ma Kumutumbish Yah
w17.07 paj 16 par. 5-6
‘Mushimanany Yah!’—Mulong wak?
5 Yehova kakasikeshap kwend ching muchid wa Isarel pakwez wakasikesha kand mwin Isarel mwawonsu panrend. Yehova usadin kand mwamu nlel mulong wetwetu. Nfund a kuseng wafunda anch Nzamb “ukat kwok abukukina mu muchim, ukat kukas yitat yau.” (Kuseng 147:3) Anch tuyedin ap tunenganen, tukutwish kwikal ni kashinsh anch Yehova utubangidin. Yehova ukat kutwongoj ni ukat kwok yovil yisansena. (Kuseng 34:18; Isay 57:15) Ukat kutwink manangu ni usu mulong tutwisha kurish nich milong yetu.—Jakobu 1:5.
6 Kupwa nfund a kuseng watala mwiur ni walonda anch Yehova “wachinda atutumbu” ni “wayipila awonsu majin mau.” (Kuseng 147:4) Nfund a kuseng wamana atutumbu, pakwez kadingap wij uvud wau. Nlel unou, in siyans ij anch kudi mamiliyar ma atutumbu mu rukongal retu (galaxie). Ni kukutwish kwikal tutikit ni tutikit twa jinkongal ja atutumbu mwiur! Antu kakutwishap kuchind atutumbu awonsu, pakwez Sakatang ukutwish. Chawiy, wij katumbu ni katumbu nawamp nakash, chawiy wayipila majin. (1 Korint 15:41) Nzamb wija katumbu win mwawonsu ukwij kand ey. Wij kamu nawamp ndond udia, mutapu wiyovila ni yom ukweta nich kuswir!
w17.07 paj 16-17 par. 7
‘Mushimanany Yah!’—Mulong wak?
7 Yehova wijing yom yikushikedina mu mwom, ni ukwet usu wa kukukwash mulong wa milong yey. (Tang Kuseng 147:5.) Ukutwish kuman anch milong yey yikasiken nakash ni anch ukutwishap kurish nich. Nzamb wijing mimbu yetu, “ndiy ukat kuvurik anch, etu tudi kwetu rufunfut.” (Kuseng 103:14) Tudi antu akad kuwanyin, chawiy tukat kurumbok chisu chawonsu, ni tukutwish kuziy. Tal mutapu tukata kunenganan mulong wa yom tukata kulond, mulong wa maku mayimp ap yovil ya mukau tukata kwikal nich! Yehova kakwetap uyimp ap umwing, pakwez wij kamu nawamp mutapu tukata kwiyov.—Isay 40:28.
w17.07 paj 20 par. 18
‘Mushimanany Yah!’—Mulong wak?
18 Nfund a kuseng wading wij anch Yehova watonda muchid wa Isarel wa pasak mulong wa kwikal antu end pakach pa michid yawonsu ya pa mangand. Wawiy muchid umwing watambula “dizu” dia Nzamb ni ‘malejan mend.’ (Tang Kuseng 147:19, 20.) Nlel tukwet chisend chijim cha kututazuk pa dijin dia Nzamb. Tujikitishin nakash mulong tumwij, tukwet Dizu diend mulong wa kututakel ni anch tukutwish kwikal ni urund wa piswimp ni ndiy. Mudi mwin kufund Kuseng 147, ukwet mayingishin mavud nakash ma ‘Kumushiman Yah!’ ni kuyikasikesh antu akwau kusal niyau mwamu.
Mapit ma mu Spiritu
cl shap. 5 par. 16
Usu wa Kutang—“Ndiy Kamu Sakatang wa Diur ni Divu”
Kuseng 148:10 wisambidin kand “atujil akata kutwik pa rinzwizu.” Tongijokin bil pa mitapu kushalijan ya atujil inay! Yehova wamuleja Job piur pa otrish, kajil ukata “kumuswingish kabar ni umukandamina.” Chakin kamu, ap kajil winou wa ametre aad ni chikunku katwikiningap, pakwez, ukutwish kukink mau makilometre 65 pa saa umwing nich yizakol yend ya ametre anying ni chikunku! (Job 39:13, 18) Chikwau, kuding kajil mukwau utazukiningau anch albatros usutishining chikunku chivud cha mwom wend pa rinzwizu piur pa karung. Anch watanduril jimpur jend djat ni kwinsudiel kwaj, jiding mu chilik cha ametre asatu. Kajil winou ukutwish kusutishin chisu chend chivud mwiur asaa avud pakad kushirik pansh. Pakwez kudi kand mukwau utazukiningau anch calypte d’Hélène, ndiy ukweting masantimetre matan kusu, upandaken kukep ku atujil in awonsu a pa mangand, ukutwish kubul jimpur jend tupamp 80 mu sekond umwing! Jimpur ja kajil winou jimunyikining mudi usang, jikutwish kumukwash chakwel imana pa ndond yimwing mwiur mudi hélicoptère ni ukutwish kuchirik kwinyim patwikinay.
RUBING RA 17-23 NGOND WA 2
YOM YA USEY YIDA MU DIZU DA NZAMB JINSWIR 1
Ansand—Ov, Ukumuteshany Nany?
w17.11 paj 32 par. 16-17
Kangal Walik Chom ap Chimwing Chikukangesh Kutambul Difut
16 Pamwing ap uchid kal nsand ni umen anch anvaj ey kakuteshinap kwey ap akukangeshin kusal yom yimwing. Chinech chikutwish kukwovish ujim nakash ni kwiyipul anch ukukat kand kumusadin Yehova. Pakwez anch wamulik Yehova, ukuman anch kwikil kand muntu ukukatina nakash mu mangand omu mudi mukukatinau anvaj ey in Kristu nau arund ney a mu chikumangen.
17 Tong piur pa chom ech: anch anvaj ey alik kukupup, mutapu ik ukutwisha kwijik anch akubangidin kamu chakin? (Hebereu 12:8) Chidi kamu chakin anch anvaj ey adi antu akad kuwanyin, chawiy mutapu ukupupinau ukutwish wakovish ujim. Pakwez ey kangal wimena pa yom yiney. Sal usu wa kwijik yom yiyibachikina kusal ni kulond mwamu. Ikuchika zong, ni kangal kwey kulondol. Dizu dia Nzamb dilondin anch: “Muntu ukata kulam kan kend udi mwin ronganyin, ni ukweta muchim wa kwishimpish udi mwin manangu.” (Jinswir 17:27) Itekina mupak wa kwikal muntu uswila ukata kwitiy chiyul ni ukata kwilejin kusutin ku yom yikatau kumulej chikalap nchik mutapu ukulejinau. (Jinswir 1:8) Kangal wavuramen anch kwikal ni anvaj amukatina Yehova chidi chipan cha usey nakash. Akatin kukukwash chakwel ushakam chikupu.
w05 15/2 paj 19-20 par. 11-12
Tulamanany Chijingidij Chetu cha win Kristu
11 Musangaresha Nzamb, antu bwat. Kakutwishap kutwijikin kusutin kwikal mu chisak kanang cha antu. Muntu mwawonsu ukweting kuswir kwa arund, ni tukat kwiyov nawamp anch atwitiy kud antu akwau. Mu machuku ma usand, ap mu kusut kwa mivu, yibachikin ya antu atunyinbumukina yikweting usu nakash, ni chinech chikat kutubachik kuyimburij antu akwau ap kukimb kuyisangaresh. Pakwez antu awonsu atunyingumukina kakatap kubangin ku yom yida ku muchim wetu. Yisu yimwing, akweting kuswir kwa antu mulong wa kusal nau yom yiyimp. (Jinswir 1:11-19) Anch mwin Kristu waziyin kwend ku yibachikin yiyimp ya arund nend, yisu yivud ukat kujindjik chijindij chend cha win Kristu. (Kuseng 26:4) Kambuy Paul watubabesha anch: “Likany kwimburij mangand minam”. (Rom 12:2) Yehova ukat kutwinkish usu tukweta nich kuswir mulong wa kulik chom chin chawonsu chitubachika kusal mud antu akwau.—Hebereu 13:6.
12 Anch yibachikin ya antu akwau yasot kuyipish chijingidij chetu cha win Kristu, tufanyidin kuvurik anch kushinshaman kwetu kud Nzamb kud kwa usey nakash kusutamu yitongijok ya antu akwau ap mipak yikwatinau antu avud atunyingumukina. Mazu mada mu Kubudik 23:2 mafanyidin kutuchidiji: “Kangal kulondul chisak cha antu avud chakwel usala nau kuyip.” Chisu chidjidjekau in Isarel avud piur pa ukaliweny wa Yehova wa kuwanyish kushilamu kwend, Kaleb walika kamu nakash kubombakan nau. Wading ukwet kashinsh anch kushilamu kwa Nzamb kud kamu kwa kuchingejin, ni amufuta nakash mulong wa mupak wend wakwatay. (Kuchind Michid 13:30; Joshua 14:6-11) Ov, niyey wakwatin kal mupak wa kulik yibachikin ya antu avud mulong wa kulam urund wey ni Nzamb?
Mapit ma mu Spiritu
Manangu Makin Makat Kutazwok
Antu avud akat kujik mu matu chisu chikata manangu makin “kutazwokin mu mikombil.” Kukwatijan ni Bibil, kud yisak yisatu ya antu akata kulik manangu: “antu akad ronganyin,” “in kuswing,” ni “ayisup.” (Tang Jinswir 1:22-25.) El tushinshikinany nawamp mulong wak antu inay alikin manangu ma Nzamb, ni tumanany kand mutapu tukutwisha kwipuk kwikal mud awiy.
Chisak cha kasatu cha antu akata kulik kutesh kwa kwisotin ku kutazok kwa manangu makin chid cha “ayisup.” Ad ayisup mulong akat kulik kushakam kukwatijan ni yijil ya Nzamb piur pa kutentam. Akat kusal yom yidia yiwamp ku mes mau ayinau. (Jnsw. 12:15) Antu mud inay akat kumulik Yehova, Musul wa manangu. (Kus. 53:1) Anch twatanijan nau mu mudimu wa kulejan, yisu yivud akat kutulond kwa chisum, mulong tulimishin mbil ja Bibil. Pakwez kakwetap chom chiwamp ap chimwing cha kutwinkish. Bibil ulondin anch: “Manangu mapandaken piur pa chisup. [Ku chis cha musumb] chisup kakwasulangap mukan mwend.” (Jnsw. 24:7) Chisup kakwetap chiyul cha manangu chikutwishay kutwinkish. Chawiy, chidiap cha kushimok patubabeshinay Yehova anch “mwiyepa chisup”!—Jnsw. 14:7.
RUBING RA 24 GOND WA 2–2 NGOND WA 3
YOM YA USEY YIDA MU DIZU DA NZAMB JINSWIR 2
Mulong wak Ufanyidin Kwikasikesh Kwilej Amwiney?
‘Dandamen Kwendil mu Uyakin’
16 Kadiap etu awonsu tukatina kutang ni kwilej Bibil. Pakwez Yehova utwitin ‘kudandamen kukimb’ ni ‘kudandamen kusurab’ mulong wa kwikal ni ronganyin rikurikina ra uyakin. (Tang Jinswir 2:4-6.) Anch twipan mu kusal usu mud winou, tukutaninamu nakash. Pantaliken ni kutang kwa Bibil, Corey ulondin anch ukat kushinshikin pa verse umwing pa chisu chimwing. Urumburil anch: “Nikat kutang ma not mawonsu ni kutal mareferans matekinau, ni kupwa nikat kukimbijol kand. . . . Kusadin mulad winou wa kutang kwankwasha kwilej yom yivud nakash!” Tusadin mulad winou ap bwat, tukat kumekesh kujikitish kwetu mulong wa uyakin anch twishil chisu ni twasal usu wa kwilej uyakin.—Kus. 1:1-3.
Manangu Makin Makat Kutazwok
3 Tukutwish kulond anch manangu ud ukaliweny wa kusadin yom twija mulong wa kukwat mipak yiwamp. Pakwez, manangu makin marumburikin yom yivud. Bibil ulondin anch: “Kumwov [Yehova] wom diawiy disambishil dia manangu! Kumwijik ndiy Utumbila [Nakash] rawiy ronganyin.” (Jnsw. 9:10) Chawiy, anch tukwet mupak ujim wa kukwat, tufanyidin kwijik yom yitonginay Yehova—mulong “kumwijik ndiy Utumbila [Nakash] rawiy ronganyin.” Tukutwish kusal mwamu pitwilejina Bibil ni mikand yetu yimedina pa Bibil. Anch twasal mwamu, tukumekesh anch tukwet manangu makin.—Jnsw. 2:5-7.
4 Yehova ndiy kusu ukutwisha kutwinkish manangu makin. (Rom 16:27) Mulong wak tulondina anch Yehova ndiy musul wa manangu makin? Chakusambish, mulong ud Sakatang, ukwet ronganyin rakad mimbu, ni wij nawamp yom yawonsu yatangay. (Kus. 104:24) Cha kaad, yom yawonsu yisadiningay Yehova yimekeshining manang mend. (Rom 11:33) Cha kasatu, yiyul ya manangu yipaniningay Yehova yikat kuyikwash chisu chawonsu antu akata kuyisadin. (Jnsw. 2:10-12) Anch tukimbin kwikal nich manangu makin, tufanyidin kwitiy uyakin wa pa dishin ni kwitiy anch utakel mipak ni yisal yetu.
w16.09 paj 22 par. 2-3
En Ansand, Kasikeshany Ritiy Ren
2 Nlel unou, antu avud kakatap kwitiyij anch Nzamb watutanga. Anch ud nsand udia kashalapol wa Yehova ap anch wilejin piur pend, ukutwish kwiyipul pa mutapu ukutwisha kumekesh anch kud Sakatang wetu. Bibil utukwashin kutongin nakash piur pa yom tuteshininga ap pa yom tutangininga ni kutongin pa yom yiney. Dizu dia Nzamb dilondin anch: ‘Ukaliweny wa kutongin ukez kukulam.’ Mutapu ik? Mulong ukukukwash ulika yitongijok ya makasu ni ukasikesha ritiy rey mudiay Yehova.—Tang Jinswir 2:10-12.
3 Mulong wa kwikal ni ritiy rikash mudiay Yehova, tufanyidin kumwijik nawamp. (1 Timote 2:4) Chawiy, anch utangin Bibil ni mikand yetu, chid cha usey kutongin pa yom yilondinay Bibil. Sal usu wa kutesh yom utangina. (Mateu 13:23) Anch wilej mu mutapu winou, ukwikal ni kashinsh anch Yehova ndiy Sakatang wetu ni Bibil udiokil kud ndiy. (Hebereu 11:1) El twisambinany mutapu tukutwisha kusal mwamu.
Mapit ma mu Spiritu
bhs shap. 19 par. 10
Shal Piswimp Ni Yehova
Mutapu ik ukutwisha kwikal murund nend a Yehova? Mu dilejan diey dia Bibil, ukushiken ku kumwijik Yehova nakash ni kukudish urund wey ni ndiy. Urund winou udi mudi kasu kakundakeshinau chakwel kangal kajim. Mutapu kasu kakweting kuswir kwa nkuny chakwel kaka, ukwet niyey kuswir kwa kudandamen kwilej piur pa Yehova mulong urund wen wikala ukash.—Jinswir 2:1-5.