Tukutwish Kulikap Rukis!

Anch kandikal, pamwing ap wamenap kal antu amekeshina rukis mu mutapu kampand ap kanang. Tukat kutesh jinsangu piur pa antu akisinau mulong ad a ngand yindj, akwet ulombu wa chikit windj, ap mulong ad in utun wa amband ni amband ap amakundj ni amakundj. Mud chibudikin, maguvernema mavud matekin kal yijil mulong wa kuyipup antu akata kuyisal akwau nayimp mulong ayikisin.

Rukis rikat kutazukish rukis rikwau. Yisu yivud, antu akisinau akat kufundakesh, ni chinech chikat kuletish rukis rakad kupwang.

Pamwing ap akumekeshidinap kal kasolikany, kukukwatish usany, kukusaal masaal, ni kukupompat. Pakwez, rukis rayishikijin kal kand antu kusal yom yiyimp nakash. Rikat kuyishikij antu kuyirishikish akwau, kuyisheshin yom yau, kuyijipol, ap kand kunongish chisak kampand cha antu.

Chinong cha Kalam chinech chikwakul ku yipul yilondwilaku ey ni kulejan mutapu tukutwisha kulikap rukis:

• Mulong wak kudia rukis nakash mwamu?

• Mutapu ik tukutwisha kukangesh rukis kudandamen?

• Ov, kukwikal kamu dichuku dikupwa rukis chikupu?