Yiyul Piur Pa Mutapu Wa Kwilej

Tond yom ya usey nakash ukutwisha kwilej

Etu awonsu tukwet uvud wa chisu kanang mulong wa dilejan dia pakampwil. Mutapu ik tukutwisha kuchisadin mu mutapu uwamp? Chakusambish, itekina chisu chivud cha kutang yom. Ukutaninamu nakash anch wilej chikurikina yom yikemp kusutamu kwilej yom yivud mau mau.

Chawiy, tond yom ya usey nakash ukusambisha nich. (Efes 5:15, 16) Shinshikin yiyul ey:

• Tang Bibil dichuku diawonsu. (Kus. 1:2) Program wetu wa kutang Bibil wa yikumangan ya mukach mwa rubing ud muwamp nakash kusambish nich.

• Rijek Chinong cha Kalam cha Kwilej ni chikumangan cha mukach mwa rubing. Sal usu wa kwirijek nawamp mulong wa kwakul.—Kus. 22:22.

• Anch ukwet chisu, sal usu wa kutang ni kutal yakudia yikwau ya mu spiritu mud magazet, mavideo, yom yibudishinau pa jw.org.

• Ileja mutu wa mulong ukusangareshina. Ukutwish kukimbijol piur pa mulong urishina nich, chipul ukweta, ap piur pa mutu wa mulong wa Bibil ukatina kutesh nawamp. Mulong wa kwikal ni yitongijok, tal pafundinau anch “Apprends en t’amusant” pa jw.org mu Français.