Pakish Kujingunin Yom Yisu Chisu Wilejina

Pitwirijekina mulong wa kwilej, tukutwish kwiyipul anch: ‘Yom ik nisotina kwilej?’ Pakwez tufanyidin kuvurik anch, ap anch tusotin kwilej chom kanang, chinech chirumburikinap anch kwikil yom yisu yikatinay Yehova anch twilej. Mutapu ik tukutwisha kutesh yom yitufundishinay Yehova?

Lembil mulong wa kwikal ni manang. Mwita Yehova chakwel akukwash kujingunin yom yikatinay anch wilej katat. (Jak. 1:5) Ipuk kwimen ching pa yom wijing kwey.​—Jnsw. 3:5, 6.

Itiy usu wa dizu da Nzamb. ‘Dizu da Nzamb dikwet mwom.’ (Heb. 4:12) “Dizu” da Nzamb dikweta mwom dikutwish kwikal ni usu pad etu chisu tutangina Bibil. Pakwez chikutwish kwikal mwamu ching anch twitiy yom yitufundishinay Nzamb.

Mujikitisha Yehova mulong wa yakuda ya mu spiritu. Yakuda yend ya mu spiritu yid mud ‘musambu wa yakuda yital.’ (Isay 25:6) Ipuk kuda ching ‘yakuda’ yikusangareshina. Anch wasal mwamu, Nzamb ukukukwash kwikal muntu muwamp ni ukusanger kamu kwilej!