Ov Mutapu ik Udia Yaku Yey ya Kwidish Muspiritu?
1 Alondining anch ‘Nleja yiudila, niyam nikukuleje chiudia.’ Chakin kamu, usu wetu ni ukash wa mujimbu wetu yengamidin pa yaku yetu ya kwidish. Mulong Yesu walonda anch: “Muntu kakwikalap mwom ku mabot kusu, pakwez ching ku dizu diawonsu dikubudika mukan mwa Yehova,” chilik chimwing kand yaku yetu ya kwidish muspiritu yikwet usu uwamp ap uyimp pitudia. (Mat. 4:4, NW) Chawiy lel, mutapu ik udia yaku yey ya kwidish muspiritu? Ov udiling kwa kukez (chil)? Ov ukakudiang maumau? Ap kand ov ukweting musangar wa kwitekinaku chisu cha kutambul yakudia yimwing yiwamp ya muspiritu, yisikena, ni ya chisu chawonsu?
2 Shinshikin Yakudia Yey: Yehova uletining “yakudia pa chisu chiwanyidina” ni “musambu wa yakudia ya many,” kusutil “kashalapol wakin ukweta manangu.” (Mat. 24:45; Isa. 25:6, NW) Chakwel tutaninamu ukwash sens udiokila ku yakudia yiney ya rukat, tufanyidin kusal usu wa kwidish nawamp muspiritu.
3 Ukutwish kwiyipul: ‘Ov nikakutangang dichuku ni dichuku mufund wa dichuku ni yirumburil yau? Ov nikakutang ni kutongijokin dichuku ni dichuku pa Baibel? Ov nikakurijek yikumangan ya chikumangen nich kushinshikin yom ya kwilej kurutu kwa chisu? Ov natangin kal mikand yisu ya nsudiel, kuwejinaku ni mavolim mawonsu maad ma buku La prophétie d’Isaïe—lumière pour tous les humains?’
4 Yesu wakana anch: “Ayuk kwau atuzwendj mu michim, . . . Ayuk kwau akweta nzal ni impu ya kutentam, mulong awiy akez kayikutish.” (Mat. 5:3, 6) Chawiy lel, idisha nawamp muspiritu nich kwizwish manangu mey ni muchim wey ni ronganyin ra Nzamb.