Fatul Mulong wa Kuvurik Yom Wilejina

Pamwing ap niyey chikukasikedining kuvurik yom ukata kwilej. Pakwez, ov, umening mutapu tukata kuvurik swa yilakej yasadinangay Yesu? Chiswapeling kuyiman mu manang metu, ni chinech chikat kutukwash kuyivurik. Chilik chimwing, ukutwish kuvurik yom yivud ukata kwilej anch wikasikesh kuman mu manang mey yom utangina. Mutapu ik ukutwisha kusal mwamu? Kusutin kufatul yipich chisu wilejina.

Yisu yivud antu akata kufatul yipich ya yom yisu yilejinau akat kuyivurikang kand nawamp. Kusal mwamu kukatap kwau ching kuyikwash kuvurik yom yifundinau, pakwez kand kukat kuyikwash kuvurik yitongijok yakad kumekan ku mes. Yifatul yau yidingap yikash nakash, pakwez yiding yiswapela. Ni uman umekeshin anch mulad winou ukutwish kuyikwash nakash antu ananapina kal.

Kapamp kakwau ukwileja, pakish kufatul yipich ya yom ukwileja. Ukutwish kushimwok pa kuman mutapu chikukuswapela kuvurik yom wilejang!