Sadin “Chipan cha mu Spiritu”

Etu awonsu tusangaredining kukasikeshijan nau ambay netu In Kristu. Pakwez kukasikeshijan kwinoku kwimediningap kwau pa chisal cha kwikal mu umwing. Chisal chinech cha kukasikeshijan umwing ni mukwau achitazukin mu Bibil anch “Chipan cha mu Spiritu.” (Rom 1:11, 12) Mutapu ik tukuwtwisha kuchisadin chipan chinech mud muchifanyidina?

Yikasikesha antu akwau kusutin yom ulondina. Chilakej, chisu wakwila ku yikumangan kangal walond nakash yom yikutadina amwiney. Pakwez lond yom wilejidina kuday Yehova, Dizu dend Bibil, ni kud atushalapol end ashinshamena. Mu mambamb metu nau ambay netu In Kristu, ukutwish kwisambin piur pa mitu ya milong yikasikeshina.

Yikasikesha antu akwau kusutin mipak ukwatina ni yisal yey. Chilakej, antu amwing akwata mipak ya kudandamen mu mudimu wa chisu chawonsu chikalap nchik yikokujol yau. Antu akwau akat kukumangan chisu ni chisu ku yikumangan ya mukach mwa rubing chikalap nchik mutapu ukwatakenau ku midimu ap mayej makada kuyerik.

Ov, ukat kuyikasikesh akadivar nau anambaz kusutin yom ulondina? Ov, niyey ukat kumanang yom yisadinau ni yilondinau akadivar nau anambaz mulong wa kukukasikesh?