BIBLIOTEK Udia pa Kapend
BIBLIOTEK
UDIA PA KAPEND
Uruund
  • BIBIL
  • MIKAND
  • YIKUMANGAN
  • g18 no. 2 p. 13
  • 10 Kushinshaman

Kwikil video ukimbina

Video winou umukimbinap amboku nawamp.

  • 10 Kushinshaman
  • Lankany!—2018
  • Tumitu twa milong
  • Yom Yifanakena
  • KURUMBURIK
  • MULONG WAK CHID CHA USEY
  • YOM UKUTWISHA KUSAL
  • Ukutwish Kuyichingejin Akadivar Ney
    Chinong cha Kalam Chilejen Want wa Yehova (Cha Kwilej)—2022
  • Ikal Mwin Kashinsh mu Yom Yawonsu
    Sanger Mwom Chikupu!—Ileja Bibil
  • Mekesh Anch Uwanyidin Kukuchingejin
    Chinong cha Kalam Chilejen Want wa Yehova (Cha Kwilej)—2022
  • Ikal Mwin Kashinsh mu Yom Yawonsu
    Mutapu wa Kushal mu Rukat ra Nzamb
Tal Yom Yivud
Lankany!—2018
g18 no. 2 p. 13
Changadim umwing ukat kufut nfalang ku bank

Kuyiziyin anvajey kud mud kufut dibaz ku bank. Anch ud kamu mwin kashinsh, niyau akukuchingejin kamu chipandakena

YITADINA ANSAND

10 KUSHINSHAMAN

KURUMBURIK

Ansand ashinshamena akat kuyichingejin kud anvajau, arund nau ni kud amakurump au ku mudimu. Akat kulimish mbil, kuwanyish kushilamu kwau ni akat kulond uyakin dichuku diawonsu.

MULONG WAK CHID CHA USEY

Yisu yivud, chilik cha want ipau ukutwishay muntu kwikal nich ukwatijadin ni chilik cha kushinshaman kwamekeshinay kal mu kusut kwa mivu.

“Mutapu uwamp wa kusal anch anvajey akuchingejina ud wa kumekesh anch ud muntu waswila kal ni mukurump, kadiap kwau ching chisu udia nau pamwing pakwez kand ap chisu chiwakad kwikal nau pamwing.”​—Sarahi.

MBIL YA BIBIL: “Ipakany ayinen.”​—2 Korint 13:5.

YOM UKUTWISHA KUSAL

Anch ukimbin anch antu akuchingejina nakash ap asambish kand kukuchingejin, yom yilondwilaku ey yikutwish kukukwash.

Ikal mwin kashinsh. Antu akulik kapamp kamwing kukuchingejin anch wasambish kulond makasu. Chinyim ni chinech, anch ukat kulond yom patok ni ud mwin kashinsh, pakampwil piur pa kurumbuk kwey, antu akwau akutwish kamu kukuchingejin.

“Chiswapeling kwikal mwin kashinsh anch yom yawonsu yiyil kwau nawamp. Pakwez anch ud mwin kashinsh ap piur pa milong yikash yikutwisha kukuletin yakamish, chinech chikutwish kuyibachik antu akwau kukuchingejin.”​—Caiman.

MBIL YA BIBIL: “Tusotil yisu yawonsu kusal yom yiwamp.”​—Hebereu 13:18.

Ikal muntu wa kuchingejin. Kukwatijan ni kukimbijol kumwing kwasalau mu États-Unis, antu 78 pa antu 100 akata kusal mu mabiro kushalijan matadina yom ya midimu, alonda anch kwikal muntu wa kuchingejin “chid chom chimwing pakach ya yom yisatu ya usey nakash chikatau kushinshikin anch muntu ukimbin mudimu.” Kwilej kwikal muntu wa kuchingejin katat kukukukwash chisu ukwikala muntu mukurump.

“Anvajam akat kuman anch nid muntu wa kuchingejin anch nasal midimu ya ku chikumbu pakad awiy kwinvurishol chisu chawonsu kusal mwamu. Pinikata kudandamen kusal mwamu, akat kwinchingejin kand nakash.”​—Sarah.

MBIL YA BIBIL: “Nij nawamp, . . . ey ukez kupandakeshamu kusal yom yinikwitila.”​—Filimon 21.

Ikal mwin kushimpish muchim. Chinyim ni kukul kwa ku mujimbu kukata kumekan swa kud antu, chitin kamu chisu chakwel antu akwau amana anch twapamin kal mu manangu.

“Chirumburikinap anch mulong wading muntu wa kuchingejin mu chom chimwing kwau kwawiy kulond anch anvajey ni arund ney akukuchingejin kamu chikupu. Pakwez ukutwish kukudish mwikadil winou pakemp pakemp anch wamekesh anch ud muntu wa kuchingejin mu kusut kwa chisu.”​—Brandon.

MBIL YA BIBIL: “Djalany . . . kushimpish kwa muchim.”​—Kolosay 3:12.

    Mikand ya Uruund (1999-2025)
    Budik
    Andam
    • Uruund
    • Kwangan
    • Yom ukatina
    • Copyright © 2025 Watch Tower Bible and Tract Society of Pennsylvania
    • Mbil ja Kusadin
    • Mbil ja Ujindj
    • Paramètres de confidentialité
    • JW.ORG
    • Andam
    Kwangan