Ukwash Ukwau Mulong wa Anvaj

Mud mutapu wamananya kal, yiyul yidia mu gazet winou yimedin pa Bibil. Bibil ukat kupan umutakel uwamp nakash mulong wa kumukwash muntu win mwawonsu udia mu dijuku kwikal ni mwom uwamp. Mbil jidiamu jikat kutukwash kutong nawamp ni kukwat mipak yiwamp.​—Jinswir 1:1-4.

BIBIL WAKWIL KAND KU YIPUL YIJIM NAKASH YA MWOM, MUD:

• Mulong wak tukwet mwom?

• Ov, tufanyidin kumufish nich Nzamb mulong wa mar tumena?

• Ov, yom ik yikata kushiken anch twafa?

Tukukasikeshin kukimbijol mu Bibil amwiney mulong wa kwijik yakul ku yipul yiney ni yikwau kand. Tal video ukweta mutu wa mulong anch Mulong wak Kwilej Bibil? Skan kode ap yang pa jw.org.