Mulong Wak Muntu Ukat Kufa?

8 Yehova Nzamb wakata anch muntu asal divu kwikal ndond yiwamp nakash​—⁠paradis wa antu awonsu kusangerap.​—⁠Disambishil 1:​28, “NW”

Antu ela kushakam chikupu ni chikupu, ching anch Adam ni Eva amuziyilang Yehova. Ndiy wayileja anch kangal wadany ya mutond wa kwijik yiwap ni yiyimp.​—⁠Disambishil 2:​15-17, “NW”

9 Mwangel umwing wakarumuka kwikal muyimp ni wamusadila nnak umwing mulong wa kuyishikish Adam ni Eva kulik kumuziyil Nzamb.​—⁠Disambishil 3:​1-6, “NW”

10 Mwangel wamudimba Eva ndiy wezau kutazuk anch ‘nnak mukuru, Djabul ni Satan.’​—⁠Kuburik 12:⁠9

11 Yehova wayopata antu aad ay akaad kuziyil kudokal mu paradis.​—⁠Disambishil 3:​23, 24, “NW”

12 Adam ni Eva avala aan, chad dijuku dined kadadingap ni musangar.​—⁠Disambishil 3:​17, 18

13 Mud mwalonday Yehova, awuy ikala amapal ni kufa.​—⁠Disambishil 3:​19, “NW”; Rome 5:⁠12

14 Komb awonsu afa mud annam.

Mipim yawonsu yidia pansh yikat kufa.​—⁠Ecclésiaste par manque de traduction officielle 3:​18-20; Ezekiel 18:​4, “NW”