Yehova Watwinkish Mupandish

29 Muntu wa muspiritu wa kusambish wasalay Nzamb wading kuday ndiy mud mwanat [mwan wa kusambish] wend.

Nzamb umukatin nakash ni ukez kamutum mulong wa kuyishesh antu ayimp ni kuyipandish in kuziyil.​—⁠Yohan 3:​16, 36

30 Yehova wamutuma Mwanend avadik panap pansh. Amwinka dijin dia Yesu. Makwend amutazuka anch Mariy.​—⁠Luka 1:​30-35

31 Pakulay, Yesu walejana yom yiwamp yivud. Walejana anch Yehova ndiy Nzamb amwinend wakin.​—⁠Mako 12:​29, 30, “NW”

Yesu walonda anch tufanyidin kumwifukwil ching kamu Yehova.​—⁠Mateu 4:​10, “NW”; Yohan 4:​23, 24

Ndiy wayileja kand antu piur pa Want wa Yehova.​—⁠Luka 17:​20, 21

32 Yesu wayoka ayej ni kusal yom yiwamp yivud. Ap kapamp kamwing kasalap yom yiyimp.​—⁠Midimu 10:38; 1 Pita 2:​21, 22

Chad mutapu ik welay kutupandish ku chitil ni ku rufu?

33 Wafanyidina kupan kud Nzamb yakupesh mulong wa kupandish antu awamp. Pasak, Nzamb walonda kud antu apesh annam mulong wa yitil yau.​—⁠Hebreu 7:​25, 27

34 Yesu kapeshap annam. Wilambula amwinend mud yakupesh [ap mulambu] piur petwetu.​—⁠Mateu 20:28; Hebreu 10:⁠12

Ov wijikin mulong wak?