Dilejan dia 3
Yesu Kristu Udi Nnany?
Mulong wak Yesu amutazukinang “mwanat” wa Nzamb? (1)
Mulong wak amutazukinang “Dizu”? (1)
Mulong wak Yesu weza pansh mud muntu ikundj? (2-4)
Mulong wak wasalay yishimokish? (5)
Yesu ukusal ik kurutu oku kudia piswimp? (6)
1. Yesu washakama mwiur mud muntu wa muspiritu kurutu kwa kwez pansh. Wadinga chitang cha Nzamb cha kusambish, ni chawiy amutazukinang “mwanat” wa Nzamb. (Kolosai 1:15; Kuburik 3:14) Yesu ndiy kusu mwan watangau kud Nzamb amwinend. Yehova wamusadina Yesu a kurutu-ikala-mukamuntu mud Nkwash wend kutang yom yikwau yawonsu mwiur ni pa divu. (Jinswir 8:22-31; Kolosai 1:16, 17) Nzamb wamusadina kand ndiy mud Kambuy (mwin kusend dizu) Wend mujim. Chawiy chimutazukiningau Yesu anch “Dizu.”—Yohan 1:1-3; Kuburik 19:13.
2. Nzamb wamutuma Mwanend pa mangand kwa kushemuninang mwom wend djat mwivum mwa Mariy. Komb Yesu kezap kwikal ni tatukwend wa ukamuntu. Chawiy mwamu kaswanap chitil ap chimwing ap kuburen kuwanyidin. Nzamb wamutuma Yesu panap pansh mulong wa milong yisatu: (1) Kutufundishap etu uyakin piur pa Nzamb (Yohan 18:37), (2) kulam-ba ukashinsh uwanyidina, kuletang chilik mulong wa Akristu akin kulondul (Yohan 13:15; 1 Pita 2:21), ni (3) kupesh mwom wend kukol akaantu kudiokal ku chitil ni rufu. Mulong wak chinech chaswiridika?—Mateu 20:20.
3. Pa kubwambwilang chijil cha Nzamb, ikundj wa kamu, Adam, wasala yikatay kwel Baibel anch “chitil.” Amukatwila rufu. (Disambishil 3:17-19) Kezap kand kwilikan nich mbil ja Nzamb, chawiy kadingap kand uwanyidina. Pakemp pakemp wananapa ni kufa. Adam waswanisha chitil kud aanend awonsu. Chawiy chinech niyetu kand tukat kunanap, kuyel, ni kufa. Ov akaantu elanga kuyipandish nchika?—Rome 3:23; 5:12.
4. Yesu wadinga uwanyidina mud Adam kamu. Chinyim ni Adam, komb, Yesu wadinga uziyidila mutapu wa kuwanyin kudiay Nzamb ap mwishin mwa chipim chisutina kujimb nakash. Chirumburikin anch weza kupesh mwom wend wa ukauntu uwanyidina mulong wa kufutin chitil cha Adam. Winou wawiy ukata kwel Baibel mud “difut.” Aan a Adam elanga kukolik kudiokal ku difish-nich dia rufu. Awonsu akuteka ritiy rau mud Yesu akutwish kuman yitil yau ayilikishinang ni kutambul mwom wa rawonsu.—1 Timoteu 2:5, 6; Yohan 3:16; Rome 5:18, 19.
5. Pachadingay pansh Yesu woka ayej, wadisha afanzal, ni watudisha rinkind ra mambek. Ap kand waisangula afu. Mulong wak wasalay yishimokish? (1) Wova riy mulong wa ayiman-a-mar, ni wasota kuyikwash awiy. (2) Yishimokish yend yamekesha patok anch wadinga Mwan’a Nzamb. (3) Yamekesha yom yikezay kusal mulong wa akaantu aziyidina pakuyikelay mud Mwant piur pa divu.—Mateu 14:14; Mako 2:10-12; Yohan 5:28, 29.
6. Yesu wafa ni amuvumbula kud Nzamb mud chitang cha muspiritu, ni wachirika mwiur. (1 Pita 3:18) Kudiokal pin-pa, Nzamb wamusala ndiy Mwant. Pa chisu chikemp Yesu ukudiosh yiyimp yawonsu ni mar panap pansh.—Kuseng 37:9-11; Jinswir 2:21, 22.
[Caption on page 7]
Minister wa Yesu wabombikesha kufundishang, kusalang yishimokish, ni kulambulang kand mwom wend mulong wetwetu