Paradis wa pa Divu

Antu a michid kushalijan akat kusanger kudia pamwing mu Paradis

Yehova ukez karijek uyimp wawonsu wasalay Satan. Yehova wamuteka kal Yesu Mwant piur pa divu diakabuj. Mwishin mwa winyikel wend, divu akez kadikarumun paradis.—Daniel 7:13, 14, NW; Luka 23:43.

Yehova ukat kushilimu yom ey:

YAKUDIA YIVUD: “Divu dikez kasongish mabuj mad, Nzamb, Nzamb wetu ukatuyukish.” “Kukez kikal mbut jivud mwi ngand, ni mitu ya mbut yikuzengamijan mu yir pa mukandu wa Lebanon.”—Kuseng 67:6; 72:16.
KWIKIL KAND NJIT: “Ezany utalany midimu ya [Yehova], kujiyish kujim kwatekay pansh ukat kukatwish njit ni kwisudiel kwa mangand, ndiy ukat kubukon mat, ukat kukatwol mirumbu, yikunku yikunku, ukat kwosh matemb mu kasu.”—Kuseng 46:8, 9.
KWIKIL ANTU AYIMP: “Mulong in kusal nayimp akez kayikatul gwa . . . Mulong kwashal kal kachisu kakemp ni antu ayimp kakwikalikupu kand. Inge, ukez katalijol mwi ndond yau kwamwamu kand.”—Kuseng 37:9, 10.
KWIKIL MAYEJ, USHON, AP RUFU: “Mu chin chisu-cha mes ma amputames makez kaburik, ni matu aminau ma atujika-matu makez kajikuk. Mu chin chisu-cha chibid ukez kamatik kwiur mud nsefu, ni rudim ra kamam rikez kakarik nich musangar.”—Isay 35:5, 6, NW.

“Ni Nzamb amwinend ukez kikal ni nau. Ni ndiy ukez kayikusol mansoj mawonsu ku mes kwau, kukez kikalap kand rufu, ap kukez kikalap kand madil ap kushikok kudil ap kusansan kwamwamu kand. Mulong yom yikuru yasutil kal.”—Kuburik 21:3, 4, NW.

Chinyim nend Satan ni ademon, Yehova kakudimbanangap. Yawonsu yikatay kushilamu yifanyidin kwikal yakin. (Luka 1:36, 37) Yehova ukukatin ey ni ukusotin ey kwikal mu paradis ukusalay. Chawiy manijan nau Atuman a Yehova chakwel wileja yivud piur pa uyakin uwamp udia mu Dizu dia Nzamb. Ang wasadil uyakin mu mwom wey, ukez kakulik kudiokal ku uswik wa makasu, ku yitiyin yakad dishin, ni ku kuburenang kwijik. Ku muten ufanyidina, ukez kakulik kand ku uswik wa chitil ni rufu. Mud mwalonday Yesu: “Ni yen ukez kijikany uyakin, ni uyakin ukez kanikolany.”—Yohan 8:32.