Difundish dia 2

Nzamb udi murund muwamp nakash ukutwisha kwikal nend

Kwikal murund nend Nzamb chidi chom chiwamp nakash chikutwisha kukushiken. Nzamb ukukufundish mutapu wa kwikal ni musangar ni diking; ukukukwol ku yitiyij yivud ya makasu ni yisalijok yiyimp. Ukutesh malembil mey. Ukukukwash kwikal ni chisambu cha mukach ni ruchingej. (Kuseng 71:5; 73:28) Nzamb ukukukwash mu yisu yikash. (Kuseng 18:18) Ni Nzamb ukwinkishin chipan chend cha mwom wa chikupu.—Rom 6:23.

Piumushejidina Nzamb, ukuyishejin kand arund a Nzamb. Ni awiy akwikal kand arund ney. Mwaning, akwikal mud akadivar nau anambaz kud ey. Akusangar kukufundish kumwijik Nzamb ni akukukwash ni kukukasikesh.

Twilikenap nend Nzamb. Piukimbina urund wa Nzamb, ufanyidin kutesh mulong umwing ujim nakash. Urund ni Nzamb udap urund pakach pa antu adia chiliken chimwing. Utupandaken etu kulemp mu mivu, manangu ni dikand. Ndiy ukweta mbil ya kwikal Nyikel wetu. Chawiy lel anch tusotil kwikal arund nend, tufanyidin kutesh yilondilay ni kusal yitulejinay kusal. Chinech chikwikal pichuku pichuku mulong wa kuwap kwetu ayinetu.—Isay 48:18, New World Translation of the Holy Scriptures.