BIBLIOTEK Udia pa Kapend
BIBLIOTEK
UDIA PA KAPEND
Uruund
  • BIBIL
  • MIKAND
  • YIKUMANGAN
  • jy shap. 55 p. 134 ​-​ p. 135 par. 10
  • Mazu Malondinay Yesu Mayijimesh Kal Antu Avud

Kwikil video ukimbina

Video winou umukimbinap amboku nawamp.

  • Mazu Malondinay Yesu Mayijimesh Kal Antu Avud
  • Yesu Ndiy—Njil, Uyakin ni Mwom
  • Yom Yifanakena
  • Yom ik Ufanyidina Kusal Mulong wa Kutambul Mwom wa Chikupu?
    Chinong cha Kalam Chilejen Want wa Yehova (Cha Kwilej)—2024
  • Yesu—Udi ‘Mukat wa Mwom’
    Yesu Ndiy—Njil, Uyakin ni Mwom
  • Limish Chipan Cha Mwom
    Chom ik Chitufundishinay Bibil?
Yesu Ndiy—Njil, Uyakin ni Mwom
jy shap. 55 p. 134 ​-​ p. 135 par. 10
Pambambinay Yesu nau atwimbuy 12, Yudas widjidjekin; in kwilej akwau anunganijadin ni ayil

SHAPITRE 55

Mazu Malondinay Yesu Mayovish Kal Antu Avud Ujim

YOHAN 6:48-71

  • KUDIA MUJIMBU WEND NI KUNA MASH MEND

  • ANTU AVUD IPWAKALA NI ALIKA KUMULONDUL

Mu sinagog wa mu Kapernaum, Yesu wafundisha anch ndiy udi mukat wakin udiokila mwiur. Mazu minam makwatijadin kand ni mazu mayilejay antu adishay mikat ni ansh, antu adiokala kwingangel kwa Karung wa Galalia.

Yesu udandamedin ni mambamb mend palondinay anch: “Mwi mpay anshankuren adia yakudia yipidilau anch, mana, pakwez afa kwau.” Chinyim ni chinech ndiy warumburila anch: ‘Am yam mukat ukweta mwom udiokila mwiur. Anch muntu wadia mukat winou, ndiy ukez kupand chikupu. Mukat unikeza kumwinkish, wawiy mujimbu wam unipanyina mulong wa kuyambat ngand chakwel yipanda.’—Yohan 6:48-51.

Pa kapepil wa muvu wa 30 C.C., Yesu wamuleja Nikodem anch Nzamb wakata mangand nakash chawiy wamutuma Mwanend mudi Mupandish. Katat Yesu ukasikeshidin pa usey wa kudia mujimbu wend kusutil ku kumekesh ritiy mu chakupesh chikupanay. Wawiy mutapu umwing wa kutambul mwom wa chikupu.

Pakwez, antu kitiyap mazu malonday Yesu. Ipulijana anch: “Ov, mutapu ik muntu winou ukutwishay kutwinkish mujimbu tuudia.” (Yohan 6:52) Yesu wakimba anch antu atesha mazu minam mu kulond kwa chifanikesh, kalondap mulong wa mujimbu wend. Kudi yom yikwau yalonday mulong wa kovikesh kurumburik kwa mazu minam.

Ndiy walonda anch: “Anch kiudilanyap mujimbu wa Mwan a muntu ni kuna mash mend, kiukwikalanyap nich mwom wakin. Muntu mwawonsu ukudia mujimbu wam ni kuna mash mam ukwet mwom wa chikupu, . . . mulong mujimbu wam yawiy yakudia ya kashinsh, ni mash mam yawiy yakuna ya kashinsh. Muntu mwawonsu ukudia mujimbu wam ni kuna mash mam wabombakan kal mu umwing ni yamam, ndiy mu am, niyam mwi ndiy.”—Yohan 6:53-56.

Tong mutapu mazu minam mayijimesha in Yuda pamateshau! Awiy atonga anch Yesu waleta chitongijok piur pa kudia mbij ja muntu ap wajipa chijil cha Nzamb piur pa kudia mash. (Disambishil 9:4; In Levi 17:10, 11) Pakwez, Yesu kisambinap piur pa kudia mujimbu ap piur pa kuna mash ma muntu. Ndiy wamekesha anch muntu mwawonsu ukatina kwikal ni mwom wa chikupu ufanyidin kutek ritiy rend mu chakupesh chikupanay cha mujimbu wend uwanyidina ni mash mend mafanyinay kwichil. Chakin kamu, ap in kwilejend avud kateshap kurumburik kwa mafundish minam. In kwilej amwing alonda anch: “Malejan minam makasiken nakash. Ov, nany ukutwisha kumitiy?”—Yohan 6:60.

Mulong Yesu wajingunina anch in kwilejend amwing anunganijadin chawiy wayipula anch: “Ov, chom chinech chakupwakeshany kal? Ukwelany nchik piukumumananya Mwan a muntu ukat kukandam kwadingay pasak? . . . Mazu minalondanga kudi en madi spiritu ni mwom. Pakwez kudi akwen amwing pinap kitiyinap.” Palonday mwamu, in kwilej avud alika kumulondul ni aya kwau.—Yohan 6:61-64, TMK.

Chawiy Yesu wayipula atwimbuy end 12 anch: “Niyen kand usotilany kuya?” Pita wakula anch: “Mwant tukuya kudi nany? Ey yey ukweta mazu ma mwom wa chikupu. Niyetu twitiy kal, twij anch ey yey Umwing Utumbila wa Nzamb.” (Yohan 6:67-69) Ap anch Pita ni atwimbuy akwau kateshap nawamp kurumburik kwa yom yafundishay Yesu, pakwez awiy amekesha kushinshaman kwau mud ik!

Pasangaray Yesu mulong wa mazu makulay Pita, Yesu wayitala atwimbuy end ni wayileja anch: “Ov, kiyamap nakutondanya en dikum ni aad? Pakwez umwing wa pakach pen udi muntu wa Sakudimban.” (Yohan 6:70) Yesu wisambina piur pa Yudas Isakariot. Chimeken patok anch, pa chisu chinicha Yesu wajingunina yitongijok yiyimp yasambisha kwikal mu muchim wa Yudas.

Kudiosh pinipa Yesu wajingunina anch Pita ni atwimbuy akwau kakuziyap kumulondul ni akudandamen kusal mudimu wafanyina kupandish mwom wa antu wadingay usadinay.

  • Mutapu ik Yesu wapanay mujimbu wend kudi antu, ni mutapu ik antu amwing mwafanyinau ‘kudia mujimb wa Yesu?’

  • Mulong wak antu ajimana palonday Yesu piur pa mujimbu wend ni mash mend ni mutapu ik wakasikeshinay pa mazu minam?

  • Palikau kumulondul Yesu kudi in kwilej avud, mutapu ik wakulay Pita?

[Kamushet kadia pa paj wa 135]

    Mikand ya Uruund (1999-2025)
    Budik
    Andam
    • Uruund
    • Kwangan
    • Yom ukatina
    • Copyright © 2025 Watch Tower Bible and Tract Society of Pennsylvania
    • Mbil ja Kusadin
    • Mbil ja Ujindj
    • Paramètres de confidentialité
    • JW.ORG
    • Andam
    Kwangan