BIBLIOTEK Udia pa Kapend
BIBLIOTEK
UDIA PA KAPEND
Uruund
  • BIBIL
  • MIKAND
  • YIKUMANGAN
  • ypq question 7 map. 21 ​-​ 23
  • Mutapu ik Nikusala Anch Ambachik Kusal Masandj?

Kwikil video ukimbina

Video winou umukimbinap amboku nawamp.

  • Mutapu ik Nikusala Anch Ambachik Kusal Masandj?
  • Yakul ku Yipul 10 Yikatau Ansand Kwiyipul
  • Yom Yifanakena
  • Ov, Kulalijan ku Kan Kud Kamu Kulalijan?
    Yipul Yikatau Ansand Kwipul
  • Yileja Aney Piur pa Milong ya Ukundj ni Wimband
    Chinong cha Kalam Chilejen Want wa Yehova—2010
  • Yileja Aney Yany ya Mashakamin
    Chinong cha Kalam Chilejen Want wa Yehova—2011
Yakul ku Yipul 10 Yikatau Ansand Kwiyipul
ypq question 7 map. 21 ​-​ 23
Changadim ulikin kamu kwitiy yimulejinau kudi nsand

CHIPUL CHA 7

Mutapu ik Nikusala Anch Ambachik Kusal Masandj?

MULONG WAK CHIDI CHA USEY

Mupak wey piur pa yom ya masandj ukwikal ni yibudikin machuku ma kurutu.

CHOM IK UFANYIDINA KUSAL?

Tongin bil chom chinech: Heather ni Mike ijikijadin kwasut kal angond aad, chad Mike umen mudi ijikijadin kal kudiosh pakuru. Akat kufundijadin chisu chawonsu, akat kwambamb ku telefon chisu chilemp ni kulond yom yivud! Katat Mike ukwet kuswir kwa yom yikwau.

Kupwa kwa angond aad, Mike ni Heather asambisha kwau kukwatijan ku makas ni kubwikatijanaku. Heather kakatinap kuya kulemp ni yom yiney. Pakwez Heather kakatinap anch urund wau ufa. Mike anch udi pamwing ni Heather, ukat kwiyov anch udi wa ufun ni wa pakampwil nakash. Heather ukat kulond anch ‘Am ni Mike tukatijadin nakash. . .’

Anch wawanyishin kal mivu ya kwatan ni anch wading mu mwikadil wa yom yamushikena Heather, chom ik wafanyina kusal?

TONG BIL!

Asadidin disun mulong wa kukusumun nich

Kumanijan kwa ikundj ni mband chidi chipan cha Nzamb mulong wa antu atijadina. Kusal masandj kurutu kwa kwatijan kudi kusadin nayimp chipan chinech. Chidi mudi kusadin disun diwamp diakwinkau chad ey wasambish kukusumun nich yom

Anch walik kulimish yijil ya yom yimwing yatangau, mudi yijil ya mujimbu, ukwikal ni yibudikin yiyimp. Chilik chimwing anch ulimishinap yijil ya mashakamin, mudi chijil chilondina anch: ‘Ilamany ku yom ya masandj.’—1 Tesalonik 4:3.

Yibudikin ik yidingaku mulong wa kulik kuziyil chijil chinech? Bibil ulondin anch: “Muntu mwin [masandj] ukat kuyipish mujimbu wend wawonsu.” (1 Korint 6:18) Chidi chakin mutapu ik?

In kukimbijol ajingunin anch ansand avud asala masandj kurutu kwa kwatijan ikala ni yibudikin yilondwilaku ey.

  • USHON UKASH. Ansand avud asala masandj kurutu kwa kwatijan alondin anch akat kwinan nakash kupwa kwa kusal mwamu.

  • KULIK KUCHINGEJIJADIN. Kupwa kwa kusal masandj, ikundj ap mband ukutwish kwiyipul anch, ‘Nany kand mukwau wasadinayap kal nend masandj?’

  • KUVURIK YOM YIYIMP. Ayangadim avud akatining nakash muntu ukutwisha kuyilam, pa ndond pa muntu uyipipejina. Ansand avud niyawiy amen kal anch chiwapin kwikal ni changadim wilimishina kulik uyizidina kwend ansand awonsu.

  • Chom cha usey: Anch wasal masandj kurutu kwa kwatijan, ukat kwipipej amwiney ni kushadish chom cha usey nakash. (Rom 1:24) Ijik anch mujimbu wey ukwet usey nakash kusutamu kusal masandj!

Mekesh anch ukwet usu wa kulimish chijil chilondina anch ‘ilamany ku yom ya masandj.’ (1 Tesalonik 4:3) Kupwa, dichuku ukwatijananga, ukutwish kusalang yom ukatinanya. Ni ukusangerang nakash pakad kwakam, pakad wom ukwetau ansand avud akata kusal masandj kurutu kwa kwatijan.—Jinswir 7:22, 23; 1 Korint 7:3.

Utongin Nchik?

  • Muntu ukukatina kamu, ov, ukutwish kukusal nayimp?

  • Muntu ukubangidina kamu, ov, ukutwish kukuyipishin urund wey ni Nzamb?—Hebereu 13:4.

MULONG WA AYANGADIM

Changadim ushich ni utongin

Ansand avud akat kulond anch kakutwishap kwatijan ni changadim wasadina kal masandj kurutu kwa kumwat. Mulong wak? Mulong akatin ayangadim achidia kal atujik!

Chinech chikushimoshin—anch chikujimeshin? Ijik anch: Ma filim ni televizion makat kubaz ni kumekesh masandj masadinau ansand mudi chom chakad ubaj ni anch ridi rukat rakin.

Pakwez kangal akudimb! Antu akimbina kukubachik chakwel usala masandj kurutu kwa kwatijan asadining kwau mwamu mulong wa kutaninamu ayinau. —1 Korint 13:4, 5.

MULONG WA ANSAND

Nsand ushich ni utongin

Anch wawanyishin kal mivu ya kwatan, iyipula anch, ‘Ov, nimukatin kamu muntu nikimbina kwatijan nend?’ Anch wakul anch mwaning, mutapu ik ukutwisha kumekesh mwamu? Ukutwish kusal mwamu anch wikal ni usu wa kulimish yijil ya Nzamb, manangu ma kwipuk mikadil ya ubaj ni anch umukatin muntu ukimbina kwatijan nend.

Anch ukwet mikadil mudi yiney, yovil ya muntu ukimbina kwatijan nend yikwikal mudi yadingay nich Shulamit walonda anch: “Mukarukat udi kamu iwam, niyam nidi iwend.” (Muminy 2:16) Mwamu ukukukat nakash!

CHIYUL

Anch muntu wakimb anch usala nend masandj pa kulond anch, “Anch wading winkatin, ing witiy kal,” mwakula ni kashinsh anch, “Anch niyey wading winkatin, ing wangitangap kusal mwamu!”

Anch uyil pamwing ni muntu wa mujimbu ukwau, chiyul cha kulondul chawiy ech: Anch utongin anch ukusal chom chikukukasikena kuyilej anvajey, komb ufanyidinap kuchisal.

PROGRAM WA YOM YA KUSAL

  • Mutapu ik ukwakula anch muntu wakulej anch usala nend masandj?

  • Yom ik yikutwisha kusal anch yikukasikena kulond anch bwat?

  • Mutapu ik ukutwisha kwipuk yom yiney?

    Mikand ya Uruund (1999-2025)
    Budik
    Andam
    • Uruund
    • Kwangan
    • Yom ukatina
    • Copyright © 2025 Watch Tower Bible and Tract Society of Pennsylvania
    • Mbil ja Kusadin
    • Mbil ja Ujindj
    • Paramètres de confidentialité
    • JW.ORG
    • Andam
    Kwangan