Antu Chinan Apanda ku Mabeb

Now, dijuku dend, ni annam andama mu waat. Yehova wapata ku chis, ni ruval wasambisha kunak. Ruval wanaka nakash ni waat wasambisha kupempam. Pakemp pakemp, ngand ya kabuj yizwula ni mem. Antu awonsu alika kwandam mu waat, afa. Pakwez, Now ni dijuku dend apanda mukach mwa waat. Ukutwish kutongin pa musangar wovau mulong amuziyina Yehova?

Ruval wanaka uchuku ni muten mu machuku 40 kupwa wakatuka. Pakemp pakemp mem masambisha kuum. Kupwa waat wimana pa mikandu. Ndond yawonsu yading yizwil mem, chawiy Now ni dijuku dend kabudikap kapamp kamwing mu waat.

Mem mauma pakemp pakemp. Now ni dijuku dend asala muvu ni kusut mu waat. Kupwa, Yehova wayileja anch abudika mu waat mulong wa kushakam mwi ngand yading yakad antu ayimp. Amujikitisha Yehova nakash mulong wayipandisha, ni amekesha kujikitish kwinoku papanau mulambu kud Yehova.

Yehova wasangera mulambu winou. Wayikana anch nikezap kushesh chom chin chawonsu chida pa divu kusutin mabeb. Mud chijingidij cha kushilamu kwinoku, Yehova wamekesha nkongal wa kusambish. Wamenap kal nkongal?

Kupwa, Yehova wamuleja Now ni dijuku dend kuval an ni kwizwish ngand.