Chikunku cha 7

Chikunku chinech chilondin piur pa jinsang ja mwom ja Mwant Saul ni ja Mwant David, ashakama mu chirung chimwing mu mivu piswimp 80. Kwinsambishin, Saul wading mwin kwikepish ni wading kumwov Nzamb wom, pakwez waswimpa ni walika kulondul wintakel wa Yehova. Yehova wamulika, ni mu kusut kwa chisu, wamuleja Samwel chakwel amuzizila David many mud mwant wa kaad wa Isarel. Saul wova mukau ni wakimba kumujip David tupamp tuvud, pakwez David kafundakeshap. Jonatan mwan a Saul wading wij anch David amutonda kal kud Yehova, chawiy washala ushinshamena kud David. David wasala yitil yimwing yijim, pakwez kalikap dipup da Yehova. Anch ud nvaj, mukwasha mwaney chakwel amana usey wa kukwashang ditenchik da Nzamb chisu chawonsu.