DILEJAN DIA 4

Kusambish Nawamp Nich Mifund

Mateu 22:41-45

MU WISWIMP: Tenchik manangu ma in kukutesh kurutu kwa kutang verse.

Ijik mulong wak utangin verse. Sambish verse mwawonsu mu mutapu wa kuyikwash in kukutesh ey kulam manans majim madia mu verse.

Shinshikin yom yilondinau mu rusangu rawonsu. Anch watangish verse ni wajimbul nany ulondina ap nany wafunda mukand wa Bibil winou, ikal nich kashinsh anch yom yiulondina yidi yakin.
Lejan anch Bibil ndiy udia musul. Chisu wambambina nau antu amwitiyijina Nzamb, mekesh anch Bibil udi Dizu dia Nzamb, mwamu ukumekesh anch Bibil ndiy udia musul ujim nakash wa manangu.
Langwish musangar wa in kukutesh mulong wa verse. Ipul chipul chikwakulau mu verse, langwish mulong ukupwishau kusutin verse, ap lejan mbil yidia mu verse yikutwisha kuyikwash kutesh yom.

Sal usu wa kuvurik yom yijau kal nawamp in kukutesh piur pa mutu wa mulong ni piur pa verse. Tang mufund wijikena nawamp mu mutapu uwamp ni yikwasha in kukutesh ajingunina yitongijok yisu.