DILEJAN DIA 46
Mulong Wak Ufanyidin Kukwat Mupak wa Kwipan ni Kukubatish?
Kwipan amwiney kud Yehova kurumburikin kumukan mu malembil anch ukumwifukwil ching ndiy ni ukutek rusot rend pa ndond ya kusambish mu mwom wey. (Kuseng 40:9) Kupwa akutwish chad kukubatish. Anch wasal mwamu, umekeshin kud antu akwau anch wipanin kal. Mupak wa kwipan amwiney kud Yehova ud mupak wa usey nakash ukutwisha kukwat. Chom ik chikutwisha kukubachik kukwat mupak ujim mud winou ukuswimpa mwom wey?
1. Chom ik chikata kumubachik muntu kwipan kud Nzamb?
Rukat rawiy rikata kutubachik kwipan kud Yehova. (1 Yohan 4:10, 19) Bibil utukasikeshin anch: “Mukatany [Yehova] Nzamb wen nich michim yen yawonsu, nich mipim yen yawonsu, nich manangu men mawonsu, nich usu wen wawonsu.” (Marko 12:30) Tumekeshin anch tumukatin Nzamb kadiap kwau ching mu mazu, pakwez kand mu yisal. Mud mutapu mukatau antu aad akatijadina umwing ni mukwau kushiken kwatijan, chawiy, kumukat Yehova kukat kutubachik kwipan kud ndiy ni kutubatish.
2. Yiyukish ik yipaniningay Yehova kud Atuman end abatishinau kal?
Anch akubatish, wandam kal mu dijuku dia Yehova dikweta musangar. Kupwa ukusambish kuman rukat rend mu mitapu yivud mu mwom wey, ni ukumusejin kand piswimp nakash kusutamu nlel. (Tang Malakiy 3:16-18.) Mulong Yehova ukwikal Tatukwey, ukwikal kand mu dijuku dia mu spiritu dia akadivar ni anambaz a pa mangand mawonsu amukatina ndiy ni akukatina kand ey. (Tang Marko 10:29, 30.) Chakin kamu, ufanyidin kusal nzau kanang kurutu kwa kukubatish. Ufanyidin kwilej piur pa Yehova, kumukat, ni kumwitiyij Mwanend. Chansudiel, ufanyidin kupan mwom wey kud Yehova. Anch wasal nzau jinej ni kupwa akubatish, ukwikal chad mwi njil yitwadila ku kusanger mwom chikupu. Dizu dia Nzamb dilondin anch: “Dibatish [dikat] kukupandishany en katat.”—1 Pita 3:21.
ILEJA CHIKURIKINA
Ileja mulong wak chid cha usey kud ey kwipan kud Yehova ni kukubatish.
3. Etu awonsu tufanyidin kutond nany tukusadina
Mu Isarel wa pasak, antu amwing atonga anch akutwish kumwifukwil Yehova ni kumwifukwil kand pa chisu chawiy chimwing nzamb wa makasu Bal. Pakwez Yehova wamutuma muprofet wend Elija mulong wa kuswimp chitongijok chinech cha makasu. Tang 1 Ant 18:21, kupwa isambinany chipul ech:
Mupak ik wafanyinau in Isarel kukwat?
Mud in Isarel, niyetu tufanyidin kutond nany tukusadina. Tang Luka 16:13, kupwa isambinany yipul ey:
Mulong wak tukutwishap kumwifukwil Yehova ni kumwifukwil kand muntu mukwau ap chom chikwau pa chisu chawiy chimwing?
Mutapu ik tukumekesha kud Yehova anch tutondin kumwifukwil ndiy?
4. Tongijokin pa mutapu ukukatinay Yehova
Yehova watwinkishin kal yipan yivud yiwamp. Chad etu yom ik tukutwisha kumwinkish? Talany VIDEO.
Mu mitapu ik yimwing yamekeshinay kal Yehova anch ukukatin? Tang Kuseng 104:14, 15 ni 1 Yohan 4:9, 10, kupwa isambinany yipul ey:
Yipan ik yakwinkishinay kal Yehova yiumujikitishidina nakash?
Yipan yiney yikwovishin nchik piur pend?
Anch atwinkish chipan kanang tusangaredina, tukat kusal usu wa kumujikitish muntu watwinkishangach. Tang Kuvurik Yijil 16:17, kupwa isambinany chipul ech:
Anch washinshikin yom yawonsu yakusadidinau kal kud Yehova, yom yiney yikubachikin kumwinkish niyend yom ik?
5. Kwipan kukat kulet yiyukish yivud
Antu avud itiyijin anch kwikal ni ntumb, mudimu uwamp, ap ni nfalang kukutwish kuyiletin musangar. Pakwez ov, chid kamu chakin? Talany VIDEO, kupwa isambinany yipul ey:
Ap anch mwin kusengan twamana kal mu video winou wakatang nakash kubul ndundu, pakwez mulong wak walikap mudimu winou?
Wakwata mupak wa kwipan kadiap mwi ndundu, pakwez kud Yehova. Ov, utongin anch wakwata mupak uwamp? Mulong wak?
Kurutu kwa kwikal mwin Kristu, kambuy Paul wading ni mudimu wa ntumb nakash. Amufundisha yijil ya in Yuda kud mulej umwing wijikena nakash. Pakwez walikap yom yiney mulong wa kwikal mwin Kristu. Ov, Paul wanenganana? Tang Filip 3:8, kupwa isambinany yipul ey:
Mulong wak Paul walonda anch yom yasalay kurutu kwa kwikal mwin Kristu yading “dishit divundila”?
Chad yom ik yataninayamu?
Mutapu ik ukutwisha kufanakesh kumusadin Yehova ni mutapu ukwau win wawonsu ukutwisha kusadin mwom wey?
Pikalay Paul mwin Kristu, wataninamu yom yivud nakash kusutamu yalikay
ANCH MUNTU WAKWEL ANCH: “Nij kamu anch winou ud uyakin, pakwez nisangareshaku bil kurutu kwa kwipan.”
Mulong wak utongin anch chid chiwamp kwipan kud Yehova?
YOM TWILEJA KAL
Kumukat Yehova kukat kutubachik kwipan kud ndiy ni kutubatish.
Ov, uvurikin?
Mulong wak tufanyidin kumukat Yehova nich muchim wetu wawonsu ni kumwifukwil ching ndiy?
Mutapu ik ukatay Yehova kuyifut Atuman end abatishinau kal?
Ov, ukatin kwipan amwiney kud Yehova?
JINGUNIN KAND
Tal mulong wak mwin kuwang mizik umwing ni mwin masengan umwing atonda kwipan kud Yehova.
Yipul Yikatau Ansand Kwiyipul—Mutapu ik Nikusadina Mwom wam?—Kuvurik Yom ya Kwinyim (6:54)
Shinshikin yom yikwau yikutwisha kukubachik kwipan kud Nzamb.
“Mulong Wak Ufanyidina Kwipan Amwiney Kudiay Yehova?” (Chinong cha Kalam cha 1 Ngond wa 1, 2010)
Mu muminy winou, tal musangar ukwetau antu ipanina kal kud Yehova.
Mu rusangu rilondina anch “Niyipulang mu Mivu Yivud, ‘Mulong wak Tudiaku?’”, tal yamubachika mband umwing kushinshikin yom yading yitekinay pa ndond ya kusambish.
“Bibil Ukarumwin Mwom ya Antu” (Chinong cha Kalam cha 1 Ngond wa 11, 2012)