Mutapu wa Kutakel Malejan ma Bibil mu Kusadin Buku Sanger Mwom Chikupu!

Kurutu kwa kwilej

1. 

   1. Ufanyidin kwirijek. Piwirijekina, tongin pa maswir, mashakamin ni yom yitiyijinay mwin kwilej wey. Tongin kurutu piur pa yom yimukasikedina kutesh ap kusadin. Shinshikin mutapu kamutu ka mulong kalondina anch “Jingunin Kand” kakutwish kumukwash mwin kwilej wey, ni sal usu wa kukasadin anch chitwishikin pa chisu wilejina nend.

Chisu wilejinanya

1. 2. Ukutwish kulembil kurutu kwa kusambish ni kupwa kwa dilejan anch mwin kwilej wey witiyin.

2. 

   3. Ipuk kulond yom yivud. Shinshikin pa yom ukwileja nend ni muleja mwin kwilej arumburil amwinend.

3. 4. Piukusambishanya chikunku chisu, isambina pa tumitu twa milong tuda mu chikunku chinech ni kasikeshin pa manans makemp ma mutu wa mulong wa dilejan.

4. 5. Anch wapwishany kal chikunku, sadil chikunku cha dichirikin mulong wa kumukwash mwin kwilej wey kuvurik uyakin wilejay kal.

5. 6. Piwilejina dilejan din diawonsu pamwing ni mwin kwilej wey:

   1. Tangany maparagraf.

   2. Tang maverse mawonsu mafundinau anch “Tang.”

   3. Tang maverse makwau umena anch mad ma usey.

   4. 

      Mekesh mavideo mawonsu mafundinau anch “Tal video” (anch umakwet).

   5. Mwipula mwin kwilej yipul yawonsu.

   6. Muleja mwin kwilej wey atala yipich yidia pa “Ileja Chikurukina”, ni mwita chakwel arumburila yom yimenay.

   7. Sadin kamushet “Cha kusal” mulong wa kumukwash mwin kwilej wey afunda mipak yifanyidinay kukwat mulong wa kuya kurutu mu spiritu. Ukutwish kumukasikesh mwin kwilej wey itekina mipak yiswapela mulong wa kushiken ku mipak yikwau kand.

   8. Mwipula mwin kwilej wey anch wasangeridin mutu wa mulong ap video kanang udia mu chikunku “Jingunin Kand” pading parijekinay dilejan.

   9. Sal usu wa kupwish dilejan kapamp kamwing.

Kupwa kwa kwilej

1. 

   7. Dandamen kutongijokin piur pa mwin kwilej wey. Mulembila Yehova amukwash mwin kwilej wey kuya kurutu ni akwinkisha manangu mutapu ufanyidina kumukwash.