Yakul Ku Yipul Ya Bibil
Mulong Wak Chikasiken Kutan Chisambu pa Mangand?
Kudi winyikel umwing kusu ukutwisha kukarumun michim ya antu chakwel chisambu chikala pa mangand
Bibil ulejen mayingish majim maad. Chakusambish, ap anch antu asal yom yamushena, kayitangap nich ukaliweny wa kuyikel jinzau jau ayinau. Chakaad, yitenchik ya antu yakanganya mulong “yom yikwau yawonsu ya mu mangand ayitakedil kudi Sakudimban,” Satan Djabul. Chawiy lel, usu usadilau antu wakanganya kulet chisambu pa mangand.—Tang Jeremiy 10:23; 1 Yohan 5:19.
Choy ni kwitek kurutu kwa antu kwasala anch chikasikana kutan chisambu pa mangand. Ching kusu winyikel umwing ukuyikela mangand ukutwisha kuyilej antu kukat yom yitentamina ni kwilam umwing ni mukwau wawiy ukuleta chisambu pa mangand.—Tang Isay 32:17; 48:18, 22.
Ov, Nany Ukeza Katek Chisambu pa Mangand?
Nzamb wa Dikand Diawonsu washilamu anch ukez kutek winyikel umwing chakwel uyikela pa mangand mawonsu. Ukez kadiosh winyikel wa antu. (Daniel 2:44) Mwan a Nzamb, Yesu, ukez kayikel mudi Mwant wa Chisambu. Ndiy ukeza kadiosh uyimp pa mangand mawonsu ni kuyilej antu chisambu.—Tang Isay 9:6, 7; 11:4, 9.
Katat, nich umutakel wa Yesu, ma miliyon ma antu madia pa mangand mawonsu makat kusadil Dizu dia Nzamb, Bibil, ni kuyilej antu mutapu wa kwikal mu chisambu ni antu akwau. Piswimp ap, mangand makwikal chakin kamu nich chisambu.—Tang Isay 2:3, 4; 54:13.