Yakul ku yipul yen

◼ Ov nany ufanyidina kutambul kart wa chijingidij cha chikunguril cha distrik?

Makart ma chijingidij cha chikunguril makutwish kwikal ma ukwash nakash mu kwijik akadivar netu ni mu kwijikish chikunguril. Pakwez, kafanyidinap kumangan pakad kushinshik. Makat kumekesh muntu umudjita mud muntu umwing ukweta ngikadil yiwamp mu chikumangen kanang cha Atuman’a Yehova.

Kart winou ukweting ndond ya kufund dijin dia muntu ni dijin dia chikumangen. Chawiy lel, muntu ufanyidin kwikal winungidina ku chikumangen kanang mu chirung kampand. Sosait ukat kutuminang chikumangen ni chikumangen makart makwau ma kuwejin. Chiwapidil kupan kart kud in kulejan ababatishau kal ni in kulejan akad kubabatishiu. Chikwau kand, an ni antu akwau akata kwez ku yikumangan ya chikumangen chisu ni chisu ni ayila kurutu chakwel kubudikin mu chingand, akutwish kutambul. Chiwapidilap kupan kart wa chijingidij cha chikunguril kud muntu wopatau kal mu chikumangen.

Anch makart madaku, amakurump afanyidin kutal anch amapanin kwambatan nich yiyul yiney.