MASHAKAMIN MA MWIN KRISTU

Ov, Ukat Kusadin Nawamp Kart wa Kwiyijikish Nich wa JW.ORG?

Kaman wa Yehova umwinkishin muntu kart wa kwiyijikish nich wa jw.org

Mulong mar makash mashejin piswimp, mudimu wetu wa kulejan udi wa kuswapej. (Jnsw 24:11, 12, 20) Mulong wa kuyikwash antu, tukutwish kusadin kart wa kwiyijikish nich chakwel ashinshikina pa Dizu dia Nzamb ni pa kapend ketu ka web. Kart winou ukwet kode wa video Ov, Mulong wak Kwilej Bibil? ni diladikij mulong wa kutan jinsangu jivud ni kwit dilejan dia Bibil. Antu amwing kakatap kutambul mikand yetu pakwez akat kwitiy kwandam pa kapend ketu. Kangal widjidjek kuyinkish kart wa kwijikish nich. Pakwez, kangal kuyinkish antu akad kusanger kart winou.

Piusadina midimu yey, ukusambish mambamb ni muntu usangaredina ni kulond anch: “Nikwet chom cha kukwink. Nich kart winou ukutwish kwandam pa kapend ka web padia nsangu ni mavideo yikweta mitu ya milong kushalijan.” (Yoh 4:7) Mulong kart wa kwijikish nich udi mukemp, ukutwish kushalap nich makart mawanyidina mulong wa kuyinkish antu akwau.

Kart wa kwiyijikish nich wa jw.org umekeshina Bibil uburilau

Kart wa kwiyijikish nich wa jw.org umekeshina Kaman wa Yehova umutangidina muntu verse wa Bibil

Kart wa kwiyijikish nich wa jw.org umekeshina Kaman wa Yehova usadina dilejan dia Bibil ni dijuku dimwing

Kwinyim kwa kart wa kwiyijikish nich wa jw.org