Tukudishany Ukaliweny Wetu mu Mudimu wa Kulejan​—Mutapu wa kusadin JW.ORG

MULONG WAK CHIDI CHA USEY: Mikand yawonsu yidia mu Mushet Wetu wa Yom ya Kufundish Nich yilejen piur pa jw.org. Chawiy, chitongijok chijim cha kart wa kwiyijikish nich ni trakt, Ov, Kwisu Tukutwisha Kutan Yakul ku Yipul Yijim ya Mwom? Chidi cha kuyitwal antu pa kapend ketu ka web. Ukutwish kusadin jw.org mulong wa kupan mukand udia mu Mushet Wetu wa Yom ya Kufundish Nich kusutil kutum ku telefon ap kumutumin muntu ndond (lien), ukutwish kwikal wa ukwash pakampwil chisu umulejina muntu ulondina dizu dikwau. Chikwau kand, antu akutwish kwipul yipul yakwilau mu mikand yakad kwikal mu Mushet Wetu wa Yom ya Kufundish Nich. Anch twasadin kapend ketu ka web, tukutwish kwikal ni yibudikin yiwamp mu mudimu wetu wa kulejan.

MUTAPU WA KUSADIN:

• 

  Sadin Chikunku “MAFUNDISH MA BIBIL.” Chilakej, anch upanin uman kudi nvaj ukatin kwijik jinsangu jivud piur pa kulil an. Yang pafundinau anch MAFUNDISH MA BIBIL > URUW & DIJUKU.

• Sadin Chikunku “MIKAND.” Chilakej, anch upanin uman wa kukashimwish ku shikol ni ukatina kumwinkish murund wa ku shikol broshir Yakul ku Yipul 10 Yikatau Ansand Kwiyipul. Yang pafundinau anch MIKAND > MIKAND & MA BROSHIR.

• Sadin Chikunku “YOM YITUTADINA.” Chilakej, anch upanin uman kudi mbay ney wa ku mudimu ukatina kwijik yitiyij yetu. Yang pafundinau anch QUI SOMMES-NOUS > QUESTIONS FRÉQUENTES.

TAL VIDEO COMMENT NAVIGUER SUR JW.ORG, KUPWA SHINSHIKIN NDOND UKUTWISHA KUYA PA KAPEND KA WEB MULONG WA KUMUKWASH:

• muntu wakad kwitiyij kwikalaku kwa Nzamb

• muntu udiokidinap kuman mar makash

• mukadivar ap nambaz waziyina kal mu spiritu

• muntu uchirikidina wipwila piur pa mutapu ukata kusadik mudimu wetu

• muntu udiokila mwi ngand yikwau ukatina kukumangan ku yikumangan ya dizu diend