Shik Muchim wa Mwin Kwilej Ney
1 Kurutu kwa kukandam mwiur, Yesu wayileja in kwilej end kuyifundish antu akwau “kuziyil” ku yom yawonsu yayilejay. (Mat. 28:19, 20) Anch muntu udandamedin kamu “kuziyil” ku yijil ya Kristu, yiteshinay yifanyidin kumushik ku muchim. (Kus. 119:112) Ov mutapu ik ukutwisha kukasikesh muchim wa muntu ukata kwilejang nend Baibel?
2 Lembil Chakwel Kutambul Umutakel wa Yehova: Kwikadish in kwilej udi mudimu wa Nzamb. Chiyukish chend, chawiy chidia cha usey nakash mulong wa kutwish, udiap ukaliweny wetu bwat. (Mid. 16:14; 1 Kor. 3:7) Komb lel, kulembil mulong wa kutambul ukwash wa Yehova chakwel kuyifundish antu akwau uyakin chidi cha usey nakash.—Isa. 50:4, NW.
3 Jingunin Yitiyij ya Mwin Kwilej: Kwijik yitiyijinau antu ni mulong wak uyitiyijinau kukutwish kutwinkish njingunin wa yom tufanyidina kulondil chakwel kuyishik ku michim. Ov mulong wak mwin kwilej umenay difundish kanang mud disangareshina? Ov chom ik chimwitiyishina anch chinech chifanyidin kwitiyij? Ronganyin riner rikutwish kutukwash kulond nich kubabal.—Midimu 17:22, 23.
4 Pan Yitongijok ya Mifund Yovikena: Uyakin ufanyidin kwikal nich kurumburik kud mwin kwilej. (Midimu 17:24-31) Tufanyidin kupan diyingish difanyidina dia ruchingej retu. (1 Pi. 3:15) Pakwez, chisala chisu chawonsu nich rukat, ni kwitudish
5 Kasikeshin Mafundish Mey Nich Yilikej: Chidiap kusu anch yilikej yimukwashining mwin kwilej kutesh pakwez yikat kupwitang kand manangu. Yilikej yikat kukwatang mwaad yau manangu ni muchim. Yesu wadinga ni kusadil yilikej chisu ni chisu. (Marko 4:33, 34) Chakin, chakwel kwikal nich yibudikin yiwamp, chilikej usadidila chifanyidin kwikal chifanyidina rusangu wisambinanya, ni chifanyidin kwambatan ni mwom wa mwin kwilej.
6 Mekesh Kuwap Kwa Kwitiy Uyakin: Antu akatining kwijik kuwap kwa kusadil yilejinau. Mukwasha mwin kwilej ney kuman manangu ma mazu ma Paul madia mu 2 Timote 3:14-17.
7 Kangal kuziy anch amwing alik kwitiy mafundish mey. Yidiap michim yawonsu yikata kutesh. (Mat. 13:15) Pakwez, antu amwing akutwish kwikal in ritiy. (Mid. 17:32-34) El usu wey wa kushik michim ya antu nich rusangu ruwamp uyikwasha avud kwitiy ni “kuziyil” yalonday Yesu.