Yitukutwisha Kulond Piur pa Magazet

LA TOUR DE GARDE wa Rish 15

“Ov witiyijin anch divu dined dielang kwikal ndond yipandikena kuwap ya kushakam anch twading ni anyikel awamp? [Mulika muntu akula.] Shinshikin amboku yikaninay Baibel. [Tang Kuseng 37:11.] Chisambu mud chinech chikez kuyikel ching mwishin mwa ntakel uwanyidina. Mutu wa mulong winou ulejen nany udia Ntakel winou ni mutapu tukutwisha kwisakin sens umutakel wend.”

Réveillez-vous! wa Rish 22

“Kuzal kwa divu kukash kukat kulet rufu ra antu avud nakash ni kusheshik kwa yom. Antu akata kupand chisu chivud akat kushalang akad yikumbu, akad dipit dia kwikwash nich. Nimero winou wa Réveillez-vous! ulejen mutapu watwishinau kurish antu avud akwachikina nich yibudikin ya kuzal kwa divu. Urumburil mutapu udia kuzal kwa divu chikunku cha usey nakash cha uprofet wa Baibel.”

LA TOUR DE GARDE wa Ndol 1

“El twambambina ney pamwing piur pa chitongijok chimwing chisangareshina muchim chidia mu Baibel. [Tang Mateu 22:37.] Ov utongin chinech chirumburikin ik? [Mulika muntu akula.] Shinshikin mutu wa mulong winou ‘Mukimba Nzamb Nich Muchim Wey ni Manangu Mey.’ Ov ritiy rakin ridi kwau chom chitadila ching muchim kusu, ap anch rifanyidin kand kukwat ku manangu? Chakul chidi cha ukwash nakash.”

Réveillez-vous! wa Ndol 8

“Mud kamu muwija, kudimukin yisakin ya dijuku udi mudimu umwing ukash mu machuku minam, ni kwikal maku nvaj chitining mudimu wa usu nakash. Nimero winou wa Réveillez-vous! ukwet misamb yimwing yisangareshina mu mutu wa mulong ‘Kwikal Maku​—⁠Ov Kwitin Usu Upandikena wa Antu?’ Nikwet musangar wa kukushil kopi winou.”