Chakul Chimwing Chisangareshina!
1 Ndond yin yawonsu majuku ma in Kristu mamekeshin kujikitish kwau nakash mulong wa band video Les jeunes s’interrogent. . . Comment se faire de vrais amis? Tatuku umwing mu États-Unis walonda anch kupwa kwa kumutal, anend amakundj ashakama ikuchik zoong—kupwa atwisha kwijinguninap ayinau yawonsu yidia mu band video! Rapor umwing udiokila mu Malawi ulondil anch akadivar ansand ni anambaz ayangadim atwisha ni yawiy kwijingunin ku yamanau mulong ni yawiy amana yipwichik yawiy yimwing kudiokal kud arund nau a shikol. Tatuku mukwau wa mu Allemagne walonda piur pa band video winou anch: “Nimumen kamu anch chidi chakul ku malembil mam.” Changadim umwing niyend walonda anch: “Nakujitishany mulong wa kwinvurish anch Yehova ukat kwingakamin.” Mukurump umwing wa mu Nouvelle-Zélande walonda anch: “Band video winou wamukwashin umwing wa anetu amband wa dikum dia mivu kuchirikin mwi njil ya mwom.” Mband umwing ngachik watala band video winou, kupwa walonda anch: “Nisotil anch nsand mwin mwawonsu udia mu uyakin atalap band video winou ni kwikalap ubachikinau kusal uyakin kwikal iwend!” Majuku, ov mulong wak ukutwishanyap kumutal kand band video winou pamwing? Kupwa, isambinany pamwing yipul yilondwila ey.
2 Mazu ma Kusambish Nich: Ov nany murund wakin?—Jinsw. 18:24.
3 Yikangesh Urund: Mutapu ik ukutwisha kupandakan yovil ya kwikal wiyaurila kud antu akwau? (Flp. 2:4) Ov mulong wak ufanyidina kwikal tayad kurijek untu wey, ni nany ukutwisha kukukwash kusal mwamu? Chom ik chikutwisha kukufungwil njil ya kwikal ni arund avud, ni kwisu ukutwisha kuyitan?—2 Kor. 6:13.
4 Urund ni Nzamb: Mutapu ik ukutwisha kukudish urund pamwing ni Yehova, ni mulong wak chitina kusal usu? (Kus. 34:8) Ov nany ukutwisha kukasikesh nakash urund wey ni Nzamb?
5 Mulad wa Urund Uyimp: Ov anany adia arund ayimp? (1 Kor. 15:33) Mutapu ik ukatau arund ayimp kumushikij muntu ku kusheshik kwa muspiritu? Yom ik yikufundishina rusangu ra Baibel risambidina piur pa Dina?—Dis. 34:1, 2, 7, 19.
6 Chilikej cha pa Chirung Chetu: Kwiyauril ni antu akwau kwikala ni usu ik padiay Tara? Mutapu ik wadingay ni kwikang mulong wa urund wend nau ansand a mangand? Amushikija ku uyimp ik? Mulong wak wakanganyau anvaj end kumujingunin mu uyimp mwadingay, pakwez mutapu ik wamukwashau chakwel achirisha kand ngikadil yend ya muspiritu? Mutapu ik nambaz umwing chibol wimekeshay kwikal murund wakin wa Tara? Mulong wak in Kristu afanyidin kutesh yilondila Jinswir 13:20 ni Jeremiy 17:9? Difundish ik dia usey dilejay Tara?
7 Dipwishil: Mafundish ik wilejina kal ku band video winou? Mutapu ik ukutwisha kumusadil chakwel kuyikwash antu akwau?—Kus. 71:17.