Yitukutwisha Kulond Piur pa Magazet

LA TOUR DE GARDE wa Mwink. 15

“Ov mutapu ik ukutwisha kuyirumburil an ap antu akwau mulong wak kudia yom yiyimp yivud yisadikina nlel? [Mulika muntu akula.] Baibel wakwil ku chipul, ‘Ov Nany Udia Kwinyim Kwa Uyimp Winou Wawonsu?’ [Tang 1 Yohan 5:19.] Nimero winou wa Tour de Garde ukukukwash kumwijik muntu winou muyimp ni kukulej mutapu ukutwisha kumurishish.”

Réveillez-vous! wa Mwink. 22

“Ov utongin anch malembil ma antakel a relijon ap ma muntu kampand makutwish kulet chisambu pa mangand mawonsu? [Mulika muntu akula.] Baibel wisambidin chisu chimwing cha chisambu pa mangand mawonsu. [Tang Isay 9:​6, 7, NW.] Ov watesh kal anch kudi ntakel wa pakampwil ukeza kulet chisambu pa mangand mawonsu? Nimero winou wa Réveillez-vous! ulejen nany udia ntakel winou ni mutapu ukezay kulet chisambu chakin.”

LA TOUR DE GARDE wa Kal. 1

“Antu avud pakach petu akat kupakish kwikal nich urund wa chisambu nau antu akwau. Pakwez ukutwish kwitiyij anch chiswapel kulond ni chikasiken kusal. [Mulika muntu akula.] Baibel urumburil mulong wak chidia mwamu. [Tang Jakobu 3:⁠2.] Mutu wa mulong winou ulejen mutapu kwit dilikishin kukutwisha kwikal kwa usey nakash chakwel kuchirish ni kulam chisambu.”

Réveillez-vous! wa Kal. 8

“Uprofet wa Baibel ulejen anch chisu chikat kwez kukezap kwikal kand muntu ap umwing ukulonda anch, ‘Niyedil.’ [Tang Isay 33:​24, NW.] Ov chinech chikezap kwikal cha musangar? [Mulika muntu akula.] Pakwez, nlel unou antu arishin nich misong yivud, kuwejinaku ni chipupu cha SIDA. Nimero winou wa Réveillez-vous! wakwil ku chipul, Ov SIDA ukez kupwa rawonsu?”