Ufanyidin Kutal Band Video No Blood​—⁠Medicine Meets the Challenge

Yom ik wija piur pa mitapu yidiaku ya kwokan kwa chimwingang kwakad kusadil mash? Ov uteshin chidia kusadil kwa yikunku yimwing ya mash ya kutek mu mujimbu kusutin mu mijir ni mutapu yikata kusal? Tal band video winou, kupwa pak ronganyin rey nich yipul yilondwila ey.​—⁠Chiyul: Mulong band video winou ulejen mu wiswimp mutapu ubarilau muntu, anvaj afanyidin kubabal nakash chisu chimutadilau pamwing ni anikanch.

(1) Ov diyingish ik dia dipandakenamu usey dikatau kulikin Atuman’a Yehova kuyandjik mash mu mijir, ni ndond ik yidia diyingish dined mu Baibel? (2) Pa milong yitadina kusadil kwa mon wa kwokan nich, chom ik tusotininga? (3) Mbil ik yikwetau ayej? (4) Ov mulong wak chidia cha manangu ni chisend cha muntu ipend kulik kwandjik mash mu mijir? (5) Ing anch kwikal kuburen kukash kwa mash, yisu mitapu yaad yikwetau adokiter ya kukwash swa? (6) Milong ik ya ukash wa mujimbu yikata kudiokal ku kutek kwa mash mu mijir? (7) Yom ik yimwing yikwetau adokiter akata kubarilan yikutwishau kusadil mulong wa kukepish kudja nakash kwa mash chisu chibarilau? (8) Ov chom ik ufanyidina kwijik piur pa kusadil kwa yikunku yimwing ya mash ya kutek mu mujimbu kusutin mu mijir? (9) Ov kubaril kukasikena ni kwa matat kukutwish kusadik pakad kutek mash mu mujir? (10) Ov yom ik yisotinau katat adokiter avud kuyisadil Atuman’a Yehova, ni chom ik chikutwisha kwikal mbil ya kuyok ayej in awonsu?

Chakin kamu chikwikal cha ukwash nakash kutal band video No Blood pamwing nau in kwilej a Baibel, arund netu ap anamakwetu akad kwikal Atuman, arund a mudimu, alej, ni arund a shikol akutwisha kulangwish yipul piur ma mwikadil wetu pantaliken nich mash. Kwitiyin kwa mulad win wawonsu umekeshinau mu band video chidi chisend cha muntu ipend, chiyul chikamedin pa kushinshikin kwa manangu nich kom.​—⁠Tal “Yipul ya in Kutang” yidia mu Tour de Garde wa Kalol 15 ni wa Mwinkind 15, 2000.