Mutapu wa Kuyikwash

In Kristu akin asadil mudimu wa patok wa kulejan rusangu ruwamp. (Filp. 2:17) Chakwel kuuwanyish, kudi mabroshir, matrakt, ni mikand mu jindim 20 pa Internet pa www.watchtower.org. Rutong ra kapend ka Web kinak ridiap ra kuyangen Atuman’a Yehova mikand ya katat. Rutong rak ridi ra kuyijikish antu uyakin wa Bibil ulejenau Atuman’a Yehova.

Katat kamu ak, awejidinaku chom cha usey ku kapend ketu ka Web. Udi broshir Nzamb Witin Etu Tusal Ik? mu mazu 220 ni kusut. Chikwau kand, kusambish nich nimero wa Tour de Garde wa Chiwong 1, ni Réveillez-vous ! wa Chiwong 8, 2004, mu mazu mawonsu mayikarumwinau yikusambish kulejan adres wetu wa Web pa paj wa nsudiel.

Mutapu ik ukutwisha kusadil chamu chinech? Mwaning, pamwing ukusankanijan ni muntu usangeridina chad wovila kwend dizu dindjing. Anch ndiy ukat kusadil Internet, ukutwish kumulej adres Web pa paj wa nsudiel wa Tour de Garde ap wa Réveillez-vous ! Mwi njil yiney, ndiy ukutwish kwilej broshir Nzamb Witin mu ridim rend kuchingel piukweza kumuletin mukand mu rudim rend. Ap ukutwish kupan dijin ku chikumangen ap chirund chisadidina rudim rend.