Anch Usotin Mikand ya Rudim ra Wingendj Swa

Pa yisu yimwing, tumanijadininga ni antu asotininga kutang mikand yetu mu rudim ra wingendj chad yakad kwikal mwindond ya kulamin mikand ya chikumangen chetu. Ov, wij anch anch ukwet mutapu wa kutal ku internet ap kubudish mukand uswiridena ku ordinater, ukutwish wabudish mikand mu jindim 400 mulong weyey amwiney? Chidi mwamu:

• Yang ku kapend ketu ka Web kijikena, www.watchtower.org.

• Ku chikas cha katatuku cha paj kudi list wa jindim. Djat pa buton wa kart ka mangand kakwet jindim jawonsu jijikena.

• Djat pa buton wa rudim riusotila. Paj ukumekan ni ulejen mikand yiukutwisha kubudish ku ordinater, mudi matrakt, mabroshir, ni mitu ya milong. Mulong paj winou amufunda mu rudim riukutonda, kangal wakam anch wijap konganyin mitu ya milong.

• Djat pa buton umwing ukudjata. Yom yikubudik pa dikalash dia ordinater ni ukutwish kuyisadil chakwel ubudish mutu wa mulong ni kufung kapamp kamwing.

Kapend ketu ka Web kakwet ching sampul kusu; kuwejinaku mikand yikwau yijikena mu chikumangen. Anch waman anch chikutwish kwikal cha usey, chidid chiwamp kwit mikand kudiay mwin kulam mikand.