Mutapu wa Kulejan mu Teritwar wa Winsak
1. Uwamp ik udingaku mu kupan uman mu teritwar wa winsak?
1 Ov usotil kulejan mu teritwar mukata kwez antu avud ni mu ukutwisha kutan antu avud? Ukutwish kusal mwamu mu teritwar wa chikumangen chen. Mutapu ik? Mu kuyang mu makashing madiamu. Atutwambil akata kulejan mu makashing ni makashing amening yibudikin yiwamp.
2. Mutapu ik tukutwisha kurijek kupan uman mwi ndond ya winsak?
2 Yikumangen yimwing yikwet materitwar madia mu mikal yijim ya makashing. Mukadivar utadina teritwar ukutwish kurijek kart wa ndond jinej jikweta mikal yivud ya winsak. Chiwapidin kumekesh kamu nawamp pa makart materitwar mawonsu makweta yikumbu yishichingau antu makweta mikal ya winsak anch madiap ma kuya ni kulejan mud ndond ya teritwar yikweta yikumbu yishichingau antu. Mu materitwar makwau, ndond ja winsak akutwish kujendil pa chisu chimwing ni yikumbu yishichingau antu. Anch kand kal upanangap uman mu mikal ya mutapu winou, pakish kusambish kulejan mu mukal mudia makashing makemp-makemp.
3. Yom ik yikutukwasha kwikal nich mabuj ku kupan uman mu makashing ni makashing?
3 Sadil Minsamb Yiswapela: Chisu upanina uman mu makashing ni makashing, chidi cha usey kudjal mud udjadil mulong wa kuya ku chikumangan ku Chot cha Want. Chiwapin kand kutond chisu chimwakad kwikal midimu yivud. Anch chitwishikin, andam pimwakad muntu uchingedina kutambul yom yalandangay kal. It mbil ya kwisamb kud kapit wa makashing ap kud mwin makashing. Kangal kwisamb yivud, lond mu wiswimp. Ov yom ik ufanyidina kulond?
4-6. Yom ik tukutwisha kulond pitupanina uman kud mwin kwisak ap kud mwin makashing?
4 Piwisambina ni mwin kwisak ap mwin makashing, ukutwish kulond anch: “In kwisak akweting yivud ya kusal ni chikasiken kuyitan kwolikwau, chawiy lel twezang ni kukutalany kwi ndond yen ya mudimu. Magazet metu marumburil ruchingej ra mangand piur pa milong ya katat.” Kupwa isambina mu wiswimp dinans didia mu gazet umwing.
5 Ap kand ukutwish kulond mutapu uswapela ou anch: “Antu avud asotin kwijik yom yivud piur pa Bibil pakwez kakwetap chisu. Trakt ou urumburil program wa dilejan diamwamu udiaku mulong wa kukukwash kuman yakul ku yipul yey piur pa Bibil.” Kupwa isambina paj wa 4-5 wa trakt Aimeriez-vous en savoir plus sur la Bible?
6 Anch kapit umeken mud ukwatiken nakash nich midimu, ukutwish kusu kumwinkish trakt ni kulond anch: “Nikwez kand pa chisu chiwakad kukwatikan nakash. Nisotil kwijik yiutongina piur pa trakt winou.”
7. Mutapu ik tukutwisha kukudish kusanger kumekena mu teritwar wa winsak?
7 Kudish Kusanger Kumekena: Ukutwish ap kutakel dilejan dia Bibil mu teritwar wa winsak. Chibol wa pakampwil umwing wadinga ni kumwinkish mwin kwisak magazet chisu ni chisu. Muntu winou pamekeshay kusanger mulong wa yom yadingay ni kutang, chibol wamuleja ditenchik dia kwilej Bibil, nich kusadil broshir Nzamb Witin. Yitenchik ya kwilej yasadikina kamu kwin kwi ndond yend ya mudimu kwa. Chadingay ni kushinshikin chisu ni ndond, chibol wilejanga kwend nend mu minit 10 ap 15 chisu chawonsu chadingay ni kwez. El niyetu, tudandamenany kukimb antu afanyidina nich kupan uman mu teritwar wa winsak.
[Caption on page 1]
[Study Questions]