Mitapu ya Kutukwash Kwilam ku Mash

In kulejan abatishau kal izwishina kal kart Instructions Médicales ap Carte d’Identité wakad dichuku dia ngond diamubudishau ap ukweta dichuku dia ngond wa 3/99 kaswiridinap kwizwish kart musu muvu unou. Ku Chikumangan cha Mudimu cha rubing ra Kachirikin 27, kalam wa ujindj ufanyidin kwikal nich uvud uwanyidina wa makart mulong wa in kulejan abatishau kal katat, an au, ni mulong wa antu aswiridina kuswimp. Kakezap kuyitumin yikumangen yom yiney. Anch chikumangen chikwetap makart mavud, kalam wa ujindj ukutwish kwipol ku yikumangen yidia piswimp ap kwit makart mavud pamwing ni kwitin kwa mikand ya chikumangen kulondwilaku.

Makart chifanyidin kumizwish nawamp ku chikumbu pakwez KANGAL kusiny. Ku Dilejan dia Buku dia Chikumangen dilondwilaku, makart afanyidin kumasiny, kud atuman, ni kutek machuku ma ngond, nich ukwash wa kalam wa dilejan dia buku anch chiswiriken.

In kulejan akad kubatishiu akutwish kufund yany yiney mulong wa ayinau ni an au kusutil ku kulondwish mazu madia pa kart Instructions Médicales ni Carte d’Identité.